أسئلة الأنترفيو للمساحين مجاب عنها
1-استلام الموقع كورق بتطلب ايه؟؟
علشان نستلم موقعنا صح بنستلم نقاط الثوابت الأرضية اللي هنبدأ منها الشغل
بتاعي على الورق وبعد ذلك نطابق موقع الثوابت على الطبيعه مع الترقيم ولا بد علي
الأقل أن تري من كل نقطة اللى قبلها واللى بعدها وألا يكون ٣ نقاط متتاليه على خط
واحد هذا باختصار شديد علشان تتعمل في موضوع استلام المواقع صح انقر
هنااااااااااااااااااااااااا
2-ازاي تعمل ترافيرس مغلق وتصححه وايه شروط توزيع النقط
الأعمال الحقلية لإنشاء ترافيرس لرفع منطقة
١ -الاستكشاف:
اجراء جولات ميدانية فى وحول المنطقة المراد رفعها بالترافيرس بهدف التعرف عليها
وما تحتويه من معالم.
٢ -رسم كروكي
عام للمنطقة : رسم مبسط لمعالم المنطقة بدون مقياس رسم بهدف تكوين فكرة عامة عن
تفاصيل المنطقة . مع وضع اتجاه الشمال على الكروكي لسهولة التوجيه.
٣ -اختيار نقاط المضلع وتثبيتها :يتم اختيار نقاط المضلع بالشروط الآتية:
ا- ان ترى كل نقطة النقطة السابقة
واللاحقة لها ب- ان يكون عدد النقاط اقل ما يمكن (لتلافى تراكم الأخطاء) جـ - ان
تكون النقاط مكشوفة وسهلة الوصول اليها وفى أماكن ذات أرضية ثابتة وبعيدة عن
حركة السير
د - ان تكون اطوال الخطوط متقاربة هـ - ان تكون الزوايا الداخلية محصورة
بين ٣٠ – ١٢٠ درجة ثم يتم تثبيت نقاط المضلع بأداة تناسب طبيعة الأرض ( مثلا أوتاد
خشبية فى الأرض الزراعية و مسامير صلب على الاسفلت).
٤ -عمل كروت وصف لنقاط الترافيرس :
يتم عمل كرت وصف لكل نقطة ويرسم فيه المسافة بين نقطة الترافيرس وثلاثة معالم
ثابتة ومحيطة بها.
٥ -رفع الترافيرس : يتم رفع
الترافيرس من الطبيعة الى اللوحة، وذلك بقياس انحراف أحد الخطوط ثم اجراء القياسات
الطولية والزاوية ( شريط مع بوصلة أو شريط مع تيودوليت) أو باستخدام باستخدام محطة
الأرصاد المتكاملة
٦ -أعمال التحشية ( التفريد) : حيث
يتم رفع المبانى الموجودة داخل الترافيرس والمحيطة به. وتصحيح الترافيرسات بمساعدة
برنامج اكسيل او سيفيل وقمت سابقا بعمل شيت اكسيل لتصحيح الترافيرسات
3- ازاي تعمل شبكية؟؟
نقوم برفع نقاط عشوائية (xyz) مع مراعاة ان تغطي هذه النقاط الموقع المراد رفعه وتكون موزعه بشكل جيد حسب درجة وشدة التضرس بالموقع ولكن اذا كان العمل بجهاز الميزان فهذا أفضل فيديو يعلمك عمل الميزانية الشبكية في الموقع
4- لو عندي مكان مبني وعايز اوصل منسوب تاسيس وجزء حفر وجزء ردم ازي احدد خط الكنتور الفاصل بين الردم والحفر؟؟
من اللوحه احدد نقاط حدود للحفر وللردم واوقعها وابدأ اظبط المنسوب
بالميزان
5-اسرع طريقة للمعدة عشان تطلع المنسوب صح؟؟
المعده بيكون في نسبة خطأ تتراوح ما بين 5سم ل10سم ماعدا الجليدر يوصل لحد 2 سم فنعمل حساب نسبة الخطأ علشان المنسوب في النهاية يكون صح
6-افضل طريقة تطلع بيها الادوار بدون ترحيل؟؟
تكون طريقة ربط الجهاز استيشن وباك سيت والنقاط ترصد ترافيرس مغلق وتوقع للعمود 3 نقط ع
الاقل
7-افضل طريقة تتجنب بيها ترحيل قواعد او اعمدة وتتجنب تزريع اعمدة؟؟
أن تقوم بتوقيع 3 نقط ع الاقل للقاعده او العمود
8-افضل طريقة توزن بيها سقف مبني؟؟
افضل طريقه لوزن مبني هي انك تشتغل علي الشيرب ..تاخد من الشيرب
9-اقصي دقة ممكن توصلها كام وازاي؟؟
أقصي دقة ممكن نوصل ليها هي دقة الجهاز نفسه 3ثانية لمعظم الأجهزة وازاي باختيار الجو المناسب للعمل وبتالي نكون قد تغلب علي الأخطأ الطبيعية التي من الوارد حدوثها وتقلل من الدقة،الدقة في العمل والوقوف علي الجهاز والتعامل معه بفهم ورفق لتقليل الأخطاء الشخصية لدرجة انعدامها تبقي دقة الجهاز ونفسه ويكون الرصد دقته بدقة المحطة المستخدمه
10-ايه العوامل اللى ممكن تاثر على دقتك فى الشغل؟
عوامل طبيعية(رياح وحرارة وضغط)
عوامل فنية(مشاكل في الأجهزة نفسها)
11- ازاي تشيك على جهازك فى الموقع؟؟
لو كان الجهاز ده ميزان القامة يبقا بنقيس مسافة ولتكن 100متر وبنجيب 2قامة وبنقف بالجهاز في منتصف المسافة وبنخلي المساعدين يقفوا بالقامه علي نهاية المسافة من الجانبين وبنرصد عليهم وبنسجل القراءات وبعدها بنقرب بالجهاز من احد المساعدين وبنرصد ونسجل القراءات بعدها وهي تعتبر طريقة معاييرة الجهاز في الموقع وشرحتها سابقا والفيديو اهوووووووووو
اما اذا كان الجهاز دة توتال استيشن ازاي بتشيك علي شغلك بترصد نقطة معلومة وبعدها بتحرك الجهاز حركة افقية كاملة وكمان بتحرك المنظاز حركة رأسية وارجع ارصد نفس النقطة في اختلاف يبقا في مشكلة في الجهاز مفيش اختلاف الجهاز تمام وبنكمل شغلي عادي
12-يعني ايه دقة الجهاز 3ثانية؟؟
دقه الجهاز ٣ ثانيه معناه ان الجهاز ده أقل حاجه بيرصدها ٣ ثواني يعني مثلا لو بتظبط المياه الإلكترونية هتلاقيها بتزيد او بتقل ب ٣ ثواني او بمعني اخر وشرحتها في موضوع سابق ان اقل خطأ للرصد بالجهاز +-3 ثانية
13-ايه الاسباب اللى ممكن تبوظ منك المناسيب لو شغال بالميزان؟؟
ضرب افقية الميزان وانت مش اخد بالك او موضوع الكلبس اللي موجود في القامة ميكنش مفتوح للأخر وده شرحناه في فيديو سابق
14-يعني ايه اسكيل فاكتور؟؟؟؟؟؟؟؟؟
الاسكيل فاكتور هو معامل القياس ده لما بيكون في نقاط GPS بيكون في فرق لان GPS بيتعامل مع الارض كرويه والتوتال بيتعامل مسطحه هنا الفرق بيتحسب وبيبقا اسكيل فاكتور وعلشان موضوع الأسكيل فاكتور ده مهم شرحت فيه مقالين قبل ذلك وهما
معامل القياس و المساحة والجيوديسيا وأخطاء التوتال (احداثيات ومنسوب)
15-لو شغال باحداثيات عالمية تعرف تظهر موقعك على جوجل ايرث؟؟؟؟؟
طبعا بضبط اعدادات برنامج جوجل ارث ل wgs84 ثم انزال النقاط علي البرنامج يكون بذلك اظهر الموقع ويمكن تحولها الي احداثيات مسقطة UTM
16-تعرف توجه مسجد على اتجاه القبلة؟؟
باستخدام البوصلة
17-لو بدلت مكان الاستيشن بالباك سايت ايه اللي هيحصل؟؟
ولو بدلت نقط الريسكشن ايه اللي يحصل وازي تتاكد من دقة ربط الريسيكشن؟؟
اللوحه هتتعكس وعادي ممكن حل الموضوع د باستخدام برنامج الاتوكاد امر mirror وتتاكد من ربطك بأنك توقع نقطة معلومه
18-لو عندي قطعة ارض ولتكن هتتعمل ملاعب جولف بها ارتفاعات وانخفاضات كثيرة مطلوب تتغطي نجيلة احسب مساحة النجيلة ازاي؟
نقوم برفع حدود قطعة الأرض بجهاز التوتال استيشن من برنامج area calculator تظهر المساحه علي المائل
19-ازاي توجه مخطط علي مخطط اخر؟؟
بأتخاذ امر alignment عالكاد او سيفل ونقوم بمطابقة المخطط المجهول علي المعلوم وكنت شرحت فيديو سابق يوضح الموضوع ده
20-لو بتربط xyz ومفيش معاك متر تحسب ارتفاع الجهاز ازاي؟؟
اثناء الربط عندي نقطتين معلومين المنسوب ندخل ارتفاع الجهاز صفر وبعد الربط يكون الفرق في
المنسوب بين النقطتين هو ارتفاع الجهاز
21-لو شغال في موقع ومفهوش نقط مساحة هتفرض نقط ازاي؟؟
هقف بالتوتال فى اتجاه الجنوب الشرق للموقع عشان كل الأحداثيات تكون موجبه وافترض
احداثيات للاستيشن وليكن 1000و2000 وارصد على نقطه تانيه شوف المسافه ولتكن 100متر
زودهم ع ال x ويبقى
الباك سايت مثلا 1000و2100 تربط وتبدأ تشتغل
لكن لا تنسي ان تضع علامات في الموقع تحدد النقطتين لان بعد كدا ممكن ترفعهم بجهاز الجي بي اس وتعدل الرفع بتاعك من افتراضي لاحداثيات عالمية او حسب المطلوب من الشغل