عوامل فهم المساحة

 إنت عايز تتعلم مجال المساحة وتفهم المساحة قوي وتبقي مساح شاطر جدا ومتمكن في كل شغلك تابع المقال داع لشان تأخد الزتونه في مجال المساحة وزتونة المساح يا شباب هي إنك لازم تكون عارف أربع عوامل بس آه الأربع عوامل بس دول هما اللي هيخلوك برفكت في المساحة يعني دي الخلطة السحرية من الآخر ده إللي هيعرفك ازاي تكون مساح محترف إيه هما الأربع عوامل دول؟

 هما عامل اكس X وعامل واي Y وعامل زد Z   وعامل تي T

XYZT   هما دول يابشمهندسين الأربع عوامل أساسية القائم عليهم علم المساحة بكل أنواعه ومحتوياته وأجهزته فهما دول إللي إنت أول ما حضرتك تعرفهم هتعرف كل حاجة في المساحة يعني أنا يا باشمهندس لو أنا عرفت الأربع عوامل دول هعرف كل حاجة في المساحة طبعا

1. هتعرف أجهزة المساحة
2. هتعرف برامج المساحة
3. هتعرف جميع أنواع المساحة من مساحة أرضية وجوية وبحرية وكل حاجة في المساحة مرتبطة بالأربع عوامل دول

طيب أيه معني الأربع عوامل للمساحة دول وازاي يخلوني مساح محترف؟

الأول معني الأربع عوامل للمساحة يعني ايه اكس وايه واي وايه زد وايه تي

1. اكس  Xيعني المسافة
2. واي Y  يعني الزاوية
3. وزدZ  يعني المنسوب
4. وتي T يعني الوقت

 ازاي المسافة والزاوية والمنسوب والوقت يخلوني عارف وفاهم كل حاجة في المساحة أكس اللي هي المساحة المستوية، المسافة اللي هي المساحة المستوية دي اي حاجة بتتعامل مع على الأرض علي إنها لوحة مستوية زي ما انت عارف ان الأرض بتكون مستوية في حدود 250كم مربع بعدها بتبدأ تظهر كروية الارض فبالتالي المساحة مستوية بتهمل كروية الأرض لأنها في نطاق 250 كم بتكون نسبة التكور ضئيلة فانت ممكن ترفع مثلا بالشريط المساحة المستوية بالشريط مسافة أي حاجة بالشريط.

أنا ممكن أرفع من نقطة عالية لنقطة عالية تانية ومرفعش حاجة علي الأرض يعني أنا عايز أرفع مثلا عرض الأوضة اللي بنام فيها بالشريط من الحيطة للحيطة مش لازم أمشي الشريط علي الأرض فأنا بهمل كروية الأرض لان نسبتها في المستوية زي ما قولنا ضئيلة جدا لغاية 250كم في جميع اتجاهات الموقع

ثانيا عامل الواي زاوية لما أجمع الأكس مع الواي المسافة مع الزواية هندخل في نوع تاني من المساحة الا وهو المساحة التفصيلية يبقى الأكس لوحدها هو المساحة المستوية لما نجمع عليها الواي تخش في حاجة اسمها المساحة التفصيلية.

الزد بقا أو المنسوب لما أجمع أكس مع واي مع زد يبقا أنا كدا بتعامل مع حاجة اسمها المساحة الطبوغرافية مساحة الطوبوغرافية لما بجمع الثلاث عوامل مساحية دول مع بعض يبقى عندي حاجة اسمها توتال استيشن يبقى كل واحد من دول محطة لوحده  لكن لما بجمع الثلاثة مع بعض يبقى عندي حاجة اسمها إيه؟ توتال استيشن.

طيب التوتال استيشن ده هو المفروض انه بيجمع لي إكس وواي وزد بجيب لي المعامل XYZ   هو بيبقى فيه EDM هو الليزر بيحسب المسافة وجواه تيودوليت بقدر من خلال احسب الزوايا ومن خلال بعض المعادلات أقدر أجيب منه المنسوب ودي كلها التوتال استيشن بيحسبها وليست شغل يدوي كما كنا نعمل مع جهاز ميزان القامة.

 

طيب لما أجمع مع الأكس والواي وال زد ال تي XYZT يعني لما ابدأ احط مع التوتال استيشن انتل علشان تستقبل الأقمار الصناعية وتحسب لي المسافة والزاوية والمنسوب في وقت معين يبقا كدا دخلت في الجي بي أس  

طب يا شباب عرفنا ازاي الأربع عوامل مساحية XYZT دول نوظفهم في الأجهزة المساحية وأنواع مجال العمل المساحي ديلوقتي بقا عايزين نفهم ازاي من خلال الأربع عوامل مساحية دول XYZT نقدر نستخدم برامج المساحة

استخدام عوامل المساحة XYZT في تعلم البرامج

لما تشتغل على الأوتوكاد هتلاقي عندك و هتلاقي عندك تحت محاور إكس وواي  بيتعاملوا على الأرض إللي هي مستوية، لو دخلت في السيفيل ثري دي هتلاقيه بيتعامل مع اكس واي وزد. كل البرامج شغالة علي هذا المنوال السيرفر المساحي أيضا  بيتعامل مع اكس واي زد نفس الكلام من غير رسم بيجيبلك خطوط كنتور وطبوغرافية وأخري. كل البرامج عندك شغالة بالأربع عوامل مساحية XYZT كل الأجهزة عندي شغالة بالأربع عوامل مساحية XYZT يبقى إنت علشان تفهم مساحة صح لازم تكون فاهم الأربع عوامل مساحية XYZT ؟

 

إيه هو الجهاز المساحي اللي يشتغل مع كل عامل من العوامل الأربعة المساحية X - Y - Z - T؟

 

XYZT كل عامل من دول إيه الجهاز المساحي إللي يشتغل بيه إكس إللي هو المسافة بيشتغل معاه، كل حاجة ليها علاقة بالمسافة كل الأدوات والأجهزة تقريبا مثل الخطوة والجنزير والشريط بأنواعه والقصبه والميزان والتوتال والجي بي اس كل جهاز من دول محطة بالنسبة للمسافة

طيب لما نتكلم عن الواي اللي هي الزاوية أنا عشان أقدر أجيب الزاوية في أجهزة  بتجيب لي الزاوية أشهرها التيودوليت والبوصلة المنشورية وكذلك الأجهزة المتقدمة زي التوتال والجي بي اس  وكل واحد منهم محطة بالنسبة للزاوية

اما بالنسبة ل ال زد وهو المنسوب إيه المحطة اللي شغالة معاه هو الميزان  او التوتال او الجي بي اس

اما بالنسبة ل ال تي وهو الزمن إيه المحطة اللي شغالة معاه هو الجي بي اس  او أجهزة التوتال استيشن المزودة ب أنتل

 

مشكلة المساحة مع المساحين

 

مشكلة الناس في المساحة إن هما بيخصصوا نفسهم في حاجة واحده فقط يعني مثلا تلاقي واحد متخصص ميزان فقط ميعرفش يشتغل حاجة تانيه غيرة ده مخصص نفسه في المنسوب فقط اللي هو ال زد Z  

مساح تاني هتلاقي انه بيشتغل كويس جدا بالشريط فقط ده متخصص في المسافة الأكسX  اللي هو قياس الأراضي إللي هو بيشتغل مثلا بالشريط أو بالجنزير ميعرفش يشتغل علي أجهزة تانية او حتي برامج

 

فأنت لو فهمت الأربع عوامل الأساسية للمساحة هتقدر تشتغل في كل حاجة لان أي علم في العالم عايز تتعلمه لازم تبقى فاهمة أساسياته

أساسيات علم المساحة هما الأربع عوامل دول تقدر تبني عليهم كل ما عرفتك في علم المساحة تبدأ مثلا لو شخص اعطي لك معلومة او قرأتها في  كتاب معين تبدأ تركبها XYZT وهكذا فيبدء العلم بتاعك يبقى هرمي ومرتب كل يوم عندك خطوة جديدة كل يوم بتوصل للحلم بتاعك أو الهدف بتاعك، ولكن لو معندكس أساس العلم هيبقا عندك فقط معلومات متناثرة  

فاهم معلومات بدون وجود ربط بينها وبالتالي هطير ممكن تكون أخدت كورس فاهم فيه جزئيات حته من هنا علي حته من هنا بدون ربط بالاربع عوامل مساحية دول وبالتالي هتلاقي الكورس اللي اخدته ملهوش تلاتين لازمه

 

 

يعني مثلا أنت أخدت كورس ميزان لازم تكون عارف الشغل بتاعه البرامج بتاعته ولازم تبقى عارف شغل المكتب الفني بتاعه عشان كده لازم تطبق في مشروع هندسي بعد ما تأخذ الكورس بعد ما تخلص الكلية بتاعتك أو الاكاديمية علشان تعمل ربط المعلومات وتحقق أقصي استفادة لذلك هتلاقي الكليات دايما بتعمل مشاريع علشان الطالب يطبق بايدة اللي اتعلمه ويكون في ربط للمعلومات

 

كورس مساحة مهندس مساحه المساح حساب المساحة