مهارات غير هندسية بيحتاجها كل المهندسين

مبدئيا يا شباب حابب اذكر ان هذا المقال من إحدى محاضرات البشمهندس عبدالرحمن الشرنوبي ولكن هو تحدث مخاطبا مهندسين التنفيذ ولكن أن شايف ان المهارات دي بتفيد اي شخص حتي لو مش في مجال الهندسة اطلاقا اما لو قولنا ان مهارات غير هندسية بيحتاجها كل المهندسين يلزم ان نذكر علي قمتهم مهندسين المساحة بالتحديد ولعلك تتساءل اشمعنا مهندسين المساحة الجواب بكل بساطة لان أغلب شغل التنفيذ بيقوم به المساح اللي موجود في الموقع يلا بينا نتابع المقال ونركز في كل كلمة لأنه بجد سيغير تفكيرك كمهندس مساحة يلا بينا

 

السلام عليكم مهندسينا الكرام. يحيي كل مهندس بيحب يطور من نفسه وعايز يبقى شاطر وعايز يبقى قوي جدا في المعلومات التكنيكال الخاصة بالتنفيذ لازم تركز قوي قوي على المطلوبة منك يعني إيه؟ يعني مهارات مطلوبة منك المفروض تكون موجودة عندك ده المت يعني ده إللي مينفعش تقل عنه

 

متطلبات سوق العمل

فكرة الاندماج في سوق العمل والاحتكاك مع الناس اللي إنت بتشتغل معاهم، من المقاولين والصناعية والمديرين وزمايلك المهندسين. وأي حد إنت بتتعامل معاه  فلو إنت مهتم تعرف إيه هي المهارات دي سيب كل إللي في إيدك وركز في المقال ده كويس جدا علشان تدخل سوق العمل وانت عندك مهارات تؤهلك للعمل بجد مش مجرد حبة معلومات درستهم في الكلية لان حرفيا الفجوة اصبحت شاسعة ما بين ما يدرسه الطالب في الكلية ومتطلبات سوق العمل.

 

بص يا هندسة قبل ما أبدأ أقول لك أي مهارة لازم تتعود على حاجة مش معنى إنك تتعلم مهارة ويبقا عندك الحاجة دي لازم تكون بنسبة 100% جايب آخرها يعني لا مش شرط لما أقول لك على مهارة معينة اتعلم البداية بس في الأول بحيث تمشي الدنيا إنت بقى لو عايز تزود بعد كده. في القصة دي وتجيب نهايتها ماشي لكن مايبقاش عندك ولا معلومة عنها دي صعبة، دي مشكلة بالنسبة لك فاهمني؟

 أول مهارة عندنا وهي مهارات الكمبيوتر

ازاي تتعامل مع كمبيوتر ده ألف باء يا هندسة أي حاجة في الدنيا زمان الأمية كانت أمية القراءة والكتابة، دلوقتي الأمية أمية كمبيوتر يعني إيه مهندس متخرج من كلية قعد خمس  أو اربع سنين فيها وبعد كده يتخرج نيجي نقول له على حاجة يعملها بالكمبيوتر يقول معرفش. خد يا هندسة الفايل ده وفكه يعني إيه فكه وفك الضغط يا باشمهندس من عليه أيوة يعني إيه فك الضغط يا هندسة هو مضغوط هات برنامج فك الضغط وسطبه عشان تفكه مش عارف طب سطب نسخة الويندوز علي الجهاز مش عارف خد فلاشه وفرمتها وهكذا برضو مش عارف مهارات الكمبيوتر والبرامج بقى المساعدة معاك زي الكاد والسيفيل و اكسل وورد كل دي ياباشمهندس ألف باء كمبيوتر عيب متكنش عارف فيها حاجة خالص مش بتريق عليك أو بتهمك بالتقصير، لأ، بس أنا بوعيكم ان الحاجات دي مهمه مينفعش متكونش عارفها ابدأ اتعلم معلومات عن إزاي تستخدم الكمبيوتر بس كده

المهارة الثانية إنجليزي

 اللغة مهمة فمتقولش انا بتعامل مع صنايعية واغلبهم مش متعلمين أصلا واللغة ملهاش لازمه او الكلام ده لان تخيل مبيعرفش إنجليزي لو ظهرت لك رسالة بالإنجليزي وانت بتتعامل مع الكمبيوتر كمان أصلا احنا مهندسين المساحة اغلب تعاملنا مع الأجهزة والبرامج باللغة الإنجليزية فاللغة مهمه أنا مش بقول لك لازم تبقا بروفيشنال في اللغة لا اتعلم الخاص بمجالات بالإضافة لأنك تتكلم اللغة ربما تتعامل في مشروع معين مع اجانب.

آه ممكن تلاقي بعض المصطلحات صعب عليك شوية ماشي تترجمها وتفهمها لكن مايبقاش 100% مش عارف فيها حاجة، وارد انك متكنش عارف تشغل جهاز توتال او جي بي اس وحد بعتلك مثلا لينك فيديو علي اليوتيوب او أي منصة لواحد أجنبي بيشرح خطوات العمل علي الجهاز ده  أو حاجه تعملها عندك في الكمبيوتر أو خطوات حاجة هندسية

طب يا هندسة اتعلم انجليزي إزاي؟ دا إللي هيقودنا بقى للمهارة الثالثة وهي التعلم الذاتي

 

المهارة الثالثة وهي التعلم الذاتي

 لازم يا هندسة يكون عندك المهارة دي لازم يكون عندك مهارة إزاي تتعلم أي حاجة في الدنيا وإحنا في عصر ملناش فيه حجة أي حاجة عايز تتعلمها في الدنيا، تتعلمها على اليوتيوب أو من على جوجل بصفة عامة وتطور من نفسك في الحتة دي نفس الكلام إنت بتشوف إللي ناقصك أوتوكاد سيرش يوتيوب خلاص ايه اللى ناقصك إنجليزي اتعلم انجليزي على اليوتيوب اتعلمه من كتاب خد كورس المهم يعني بس إتعلموا المهم توصل المعلومة مثلا الشركة إللي إنت شغال فيها جت قالت لك. والله يا باشمهندس إحنا عندنا مشروع وعايزين نحسب الكميات بطريقة كذا وانت مش عارف الطريقة، هنعمل أيه نقف ونعطل الدنيا لا خالص خش ياهندسة عالنت سرش على الحاجة دي واتعلمها، خلاص هيجي لك كل البدي أفات والشروحات والفيديوهات وطريقة العمل والتشغيل و العيوب والمميزات، وكل ما هو له علاقة بالقصة دي فاهمني فمش كل حاجة عايزة أتعلمها بقى هنجيب لك صبورة و نقعد نشرح ونحلل ونفهم ليه يعني ما انت زود نفسك في حاجات معينة لازم  تهتم شوية بمنتجات جوجل ، إللي هي إيه تحديدا جوجل الرئيسي ده اعرف إزاي يا هندسة تعمل إيميل، أتعلم جوجل درايف إزاي تحط عليها ملفات إزاي تأخذ منها أي حاجة إزاي تبعت لينك لجوجل، منتجات مهمة وهيفرق معاك كتير جدا جدا سواء في الشغل أو في حياتك الشخصية.

المهارة الرابعة مهارات شخصية

 وعشان كلامي مايكونش عائم محتاج تتوفرعندك ثلاث مهارات معينة شخصية مهارة صناعة القرار إزاي تأخذ قرار مهارة حل المشكلات ودي هتكتسبها مع الوقت وتحمل المسؤولية.

بالنسبة لتحمل المسؤولية محدش هيعلمك تتحمل المسئولية لازم تكون راجل مهام صعبه وعارف تاخد قرارك ازاي وتتحمل نتيجته في كل الحالات

 

يعني ايه انت خدت القرار واكتشفت بعد ما خدت القرار إن فيه أخطاء تحمل مسؤوليتها عادي جدا ماتهربش مترميهاش على غيرك لأ مشكلة قبلتك وحليتها وحل غلط إيه المانع هتقولي هندسة لأ بس أنا بصراحة مقدرش أتحمل مسؤولية دي أنا خايف أغلط هقول لك طالما إنت خايف دلوقتي مش هتتعلم، هو إحنا بنتعلم من إيه مش من تجاربنا من أخطائنا يبقى إزاي بشمهندس إنت مش عايز تغلط وعايز تتعلم ودي حاجة مستحيل تحصل  يبقى ليك وجود وبصمة في الموقع وعليك مسؤوليات وليك حقوق إشمعنى تطالب بحقوقك وبتتعرض مسئوليتك

 

بالنسبة ل القرار آه طبعا أمال إيه بشمهندس هو انت اختيارك للشركة أو اختيارك الوظيفه الي انت هتشتغلها دي مش قرار اختيارك لواحدة تتجوزها مش ده قرار اختيارك إنك إنت تشتري موبايل حتى مش ده قرار، كل ده قرار في حياتك يا بشمهندس محدش هياخدها مكانك.

درب  نفسك على الكلام ده من دلوقتي عشان متتصدمش قدام وتفاجئ إنك إنت ماسك مسؤول. قبل كده وهتنصر خبرتك تبقى 15 سنة و20 سنة ومش عارف تاخد قرار تخيل إنت مدير مش عارف ياخد قرار وبيرميها على الرجالة إللي تحتيه هل ده طبيعي مش طبيعي لإنه هو ما عودش نفسه من بدري معودش نفسه من ساعة ما نخبط في الشغل أو داخل في سوق العمل

 المهارة الخامسة مهارات التواصل

المهارة بعد كده وهي مهارات التواصل. يا فرحتي انت متزن نفسيا وزي الفل ومعندكش مشاكل. بس في نفس الوقت مش عارف تتواصل مع الآخرين مش عارف الأسلوب الصح إنك إنت تتكلم بيه مع مديرك أو تتكلم مع زميلك وتتكلم مع مقاول أو تتكلم مع إستشاري أو ممثل ما. حتي مش عارف تتكلم صح مش عارف تتواصل معاهم في مشاكل في عندك عطلة في الحتة دي لازم تشتغل على نفسك فيها متسيبش نفسك كده الي هو أنا كده ياجدعان وقبلوني على كده بقى لا هنستحملك بناء على إيه بس هو عمل مش هنسمي عليك إحنا مش أبوك وأمك عشان نستحملك فاهمني

السادسة مهارات النظام والتنسيق

مهارات النظام والتنسيق يعني إيه تبقى إنت شخص منظم مش شرط تكون منظم في حياتك الشخصية بس في شغلك تكون منظم ليك رؤية واضحة في شغلك عندك تراك إنت ماشي فيه، عندك خطة إنت ماشي عليها قسم المهمات دي عاملها نظام محدد لها أولوية إيه الأهم إللي يتعمل دلوقتي وعاجل إيه المهم بس مش عاجل نعمله بعدين أيه إللي مش مهم بس المدير طلب مننا نعمله وهكذا من نظام في شغلك. نظام في وقتك. وقتك تبقى عارف مواعيدك عبارة عن إيه مش أي وقت كده. يلا بينا يلا بينا أنا متاح في أي حتة مقسم يومك عاملين حاجة اسمها ادارة وقتك صح بتستغل يومك صح مش كله شغل شغل.

لما حد يجي يعمل السي في لما أجي أتكلم عن السي في بجي أقول يا جماعة شرط مهم جدا وهو المظهر والتنسيق يعني مثلا مظهر ايه هو ليه شهر يفرق معاه التنسيق ولا مش تنسيق هيفرق معاه إيه تعود دايما يا بشمهندس أي حاجة بتعملها تطلع باسمك لازم تكون منسقة

 

يعني في السي مينفعش يكون في بهدلة وحروف واقعة وتقول أنا مهندس شاطر وأنا جامد جدا والمهم الجوهر مش مهم المظهر لالالالا الجوهر مهم والمظهر مهم بتبعت إيميل لمديرك مهم المظهر بتاعه والتنسيق بتاعه وهكذا بتبعت ريبورت وتقدمه ل استشاري يبقى يا بشمهندس الريكويست مهندم ومنظم. واللوحة موجودة و المكان إللي هننزل نستلم فيه مطبوعة نضيف وهكذا دي مهارة مهمة، آه انت ممكن تكون أوضتك إللي في البيت منعكشة وكل حاجة، في حتة والبطاطين في حتة والفانيلات ماشي معنديش مشكلة. دي شخصيتك إنت عيش حياتك. لكن لما المدير ينزل يشوف الموقع  في العمل أو مظهر شغلك ده مهم جدا ده حتى الموقع لازم يكون المنظر العام للموقع مهندم. بلاش زبالة في كل حتة ده منظر موقع هتقولي  إحنا في موقع في صحرا يعني الطبيعي بقى في زباله وإحنا مش شغالين في وكالة ناسا، لا يا عم مش في وكالة ناسا، بس في نفس الوقت متعرفنيش إنك إنت عايش في مزبلة، هو صعب إنك انت تشيل الحاجات دي ما تشيلها يا سيدي كده وتنسق الدنيا وهات جريدر كده يساوي الرمل قدام الموقع ونضف. خلاص أي حد هيجي الراجل ده يا عم الله ينور عليه شغل يفتح النفس موقع التحفة

دي أهم ست مهارات اللي المفروض يكونوا موجودين عند أي مهندس ناوي يندمج في سوق العمل وإللي عايز يطور من نفسه أو يسيب بصمة في المكان إللي هو شغال فيه؟ ده إللي مينفعش تقل عنه عايز تزود بعد كده زود براحتك معنديش مشكلة بس ماتقلش عن كدا

 

اخصائي مساحة حل مسائل مساحة تغيير المهنه الي مساح المهندسين