السلام عليكم ورحمة الله وبركاته ازيكم يا بشمساحين عاملين أيه. المحاضرة دي هتكون خاصة بالحديث عن الموقع العام. لازم تفهم كويس جدا يعني أيه الموقع العام وانت كمساح ايه دورك في تهيئة واعداد المخطط العام، وانت كمهندس مساحة لازم تدرس الموقع العام كويس جدا قبل بدء المشروع وفي هذا المقال سوف تعلم كل شئ بخصوص الموقع العام للمشروع
تمام بالنسبة للموقع العام دي اهم خطوة في اي مشروع، اذا المشروع ده ابتدى كويس وابتدى صح، بيفضل المشروع مكمل تمام ومفيش فيه اي مشاكل تظهر، وهي دي اهم خطوة بتنجح أي المشروع .
قبل ما بشتغل اي مشروع اول حاجة بتروح للجهة اللي هي هتنفذ المشروع، بتروح للجهة الحكومية سواء اذا كانت بلدية او اذا كانت امانة باخد منهم نقطتين ثوابت.
بحيث انا اقدر اشتغل منهم والنقط طبعا بتخرج من اي جهة حكومية مختومة وكل حاجة سليمة، بعد كده باخد النقطتين براجع عليهم الامور سليمة والحمد لله ببتدي انزل للمشروع واقرب نقطتين للمشروع بتاعي عن طريق نقل الثوابت، وبعد ما بقرب النقطتين بعد كده بوقع الموقع العام لحد ما اعرف فين حدودي.
وبعد كده ببتدي حوالين الموقع العام ده اعمل نقاط بحيث ان النقاط دي تقدر تخدم لي المشروع لحد ما يخلص، والنقاط دي بعد ما بوقع الموقع العام بحطها بحيث ان النقط دي تبقى بعيدة عن مواقع العمل.
وباختار مواصفات النقطة المساحية زي ما كلنا عارفينها لازم تبقى ثابته ويبقى معمول بلوك خرسانة كبير بحيث ان هي ما يبقاش فيها حركة ويبقي محطوط ليها شيت تحذيري وبعيدة عن حركة اللي موجودين في الموقع، وبعد ما بعمل النقاط دي وبصححها وبربط النقاط مع بعضيها بسلمها للاستشاري كده خلاص انا ببتدي انزل تاني حدود الموقع العام بتاعي، وبعد ما بنزل حدود الموقع العام المظبوطه وبعد كده بحدد موقع اماكن المكاتب والورش والاماكن اللي هي هتخدم علي المشروع والاماكن اللي هيبقى فيها الماتريال والمواد والخامات وغيرها
طبعا اي مشروع في الدنيا بيبقى له خطة معينة ان المشروع ده ابتدي الجزء ده الاول وبعد كده بعد ما بخلص الجزء دي هشتغل الجزء ده طبعا اي مشروع لازم يبقى له طرق تمهيدية تخدم على المشروع عشان انا اقدر ادخل المواد بتاعتي واخرج المواد يعني اقدر يبقى في حركة سهلة في المشروع، بحيث ان انا ما اروحش احصر المشروع وما اعرفش اخرج المواد بتاعته.
فالموقع العام انا ببتدي برضو بعمل الطرق التمهيدية بتاعة الموقع العام، طبعا بيبقى فيه مخطط، والمخطط ده طبعا اكيد معتمد. بيبقى فيه الطرق التمهيدية، وبعمل الطرق التمهيدية بحيث ان هي تخدم على زون كذا وزون كذا وزون كذا، دول اللي هنشتغلهم مرحلة اولى، وطبعا بنحط لها المواد وبنشغلها تشغيل العادي بتاع الطريق.
يبقى الموقع العام ده النقطة رقم واحد بحيث لما هاجي ابتدي اي مشروع خلاص انا عملت الموقع العام بتاعي خلاص بعد كده تبقى الحركة سهلة في المشروع، يعني مثلا ما اعملش موقع عام واجي احط الكرفانات او المكاتب او الورشة، واجي بعد كده افوجأ لا والله ده احنا ايه ده! لا ده الفيلا دي المفروض عندنا جدول الزمني ان احنا هنبتدي بها. لأ والله ده العمارة دي اللي احنا هنبتدي بها الاول. لا والله هات الونش وشيل وودي وكل الكلام ده بيبقى ايه تكلفة على الشركة.
وبعد كده ما اعملش انا الموقع العام، بعد كده اجي افوجأ لا والله ده الفيلا دي انا مش هقدر ادخل لها مواد، فالموقع العام بيسهل كل حاجة، كل حاجة فيه بتبقى مدروسة ومهندسين بتبقى قاعدة مختصة. ده بالنسبة للموقع العام.
وطبعا اهم حاجة في الموقع العام ان انا اعمل النقط بتاعتي نقط كويسة ثابتة خرسانة كويسة خرسانة كبيرة بحيث انا لما اجي يبقى الشغل بتاعي سليم مش بعد كده ارجع الاقي لا والله لا ده النقطة اتضربت اصلا. كانت جاية في الطريق لا والله ده المعدة خبطت النقطة. بحيث ان النقط بتاعتي تبقى خارج الموقع العام.
كل الكلام ده مهم جدا اهم حاجة في الموقع العام، طبعا المخططات لازم تبقى معتمدة .