كورس مساحة تشغيل المعدات في الموقع

 السلام عليكم يا باش مهندسين من المعروف من المراحل الأولى في تنفيذ اي منشأ وهي مرحلة الاعمال الترابية وأول مرحلة في الاعمال الترابية بتكون مرحلة الحفر يا شباب واللي بتحتاج اننا كمساحين نشغل المعدات اللي هتحفر الموقع سواء لودار أو حفار أو غيرها لذلك هنتكم في مقال اليوم عن كيفية تشغيل المعدات في الموقع ودور الأجهزة المساحية اللي بنستخدمها

مرحلة الاعمال الترابية إللي بيهمني فيها هي الأعمال المساحية وهي الوصول للأبعاد المطلوبة حسب تقرير الجسات، لازم الأول نعرف في الأعمال الترابية

الفرق بين الصفر المعماري وبين الروبير

 الروبير بيكون نقطة معلومة الإحداثيات لها احداث أكس وواي وزد  XYZ والهدف من الاحداثيات اكس واي علشان تكون مرجع أو ديتم  بالنسبة لي بحيث أوقع اي احداثيات داخل المنشأة عندي والزد الهدف منها أقدر أوقع  الصفر المعماري في حالة عدم وجود طريق أو رصيف أو أي معلم لتوقيع الصفر المعماري للمنشئ من خلاله  أو توقع منسوب أي نقطة.

 

الصفر المعماري عبارة عن مستوي والمستوي ده بيكون منسوبه صفر وده إللي بقيس منه أي مناسيب عندي داخل المنشأ، ويتم تلقيطه من طريق أو رصيف أو غطا المنهول (غرفة الصرف الصحي) اذا وجد وان لم يوجد فنرجع الي الروبير ثم نحدد الصفر المعمار بزيادة أو النقصان من منسوب نقطة الروبير، وطريقة توقيع الصفر المعماري زي توقيع الثوابت في الموقع عن طريق سيخ حديد وغرسه في خرسانه حتي لا يتم ضرب الصفر المعماري الي نهاية المشروع

دي الأساسيات اللي لازم نكونوا عارفنها في المشروع علشان لما نبدأ تنفيذ بند الحفر نقدر نحسب احنا هننزل من الروبير او الصفر المعماري ده قد ايه

كمان من الأساسيات اللي لازم تكون عارفها يا باش مهندس وهي التسلسل المنطقي لأي مشروع وهو ان المشروع بيبدأ بأعمال البنية التحتية كلها الأول زي خطوط الكهرباء والغاز والماء والصرف الصحي والتليفونات وغيرها وبعد كدا اللاند سكيب وأخر حاجة بتكون إقامة المنشأ علشان تأخد بالك أثناء تنفيذ بند الحفر للمنشأ عدم ضرب أي منها لانها ستؤدي الي كوارث

 لو هنحدد الصفر المعماري بناء علي الرصيف بتاع الطريق يبقا خلاص الرصيف هو منسوب الصفر المعماري  لو مفيش الرصيف هجيب من الاسفلت على طول بمعنى لو تقرير الجسات  قال لي انزل من الرصيف أو من الصفر المعماري انزل -3م من الصفر طيب لو مفيش رصيف هنزل من الاسفلت -3.10 العشرة سم دول ارتفاع الرصيف عن الأسفلت مثلا

طب لو في عوائق هتعوق اني اشوف الصفر المعماري من الطريق ساعتها هنحل المشكلة ازاي يا هندسه ببساطه احنا كمساحين هننقل الصفر المعماري كشيرب في مكان ثابت اقدر اوصله جو الموقع.

 

والشرب عبارة عن مستوى معلوم المنسوب، طب نعمل ايه عشان ننقل الصفر المعماري الأساسي بتاع المشروع الي مكان أقدر أخد منه مناسيب، عشان نعمل الشرب ده عنده منسوبه يساوي +3م يعني من قاعدة المثلث المقلوب علي حائط مثلا الي الصفر المعماري يساوي 3 م علشان تتعلم توقع الشرب المساحي وتعرف كل شيء عنه انقر هناااااااااااااااااااا

طيب لو عايز بقا أوقع أي منسوب من الشرب ده وليكن منسوب قاع الحفر وهو يساوي -3.40 وطبعا تقرير الجسات ميعرفش حاجة عن الشرب هو قايل مثلا -3 متر من الصفر المعماري طيب الصفر المعماري أساسا مش عارفة أخد منه بسبب العوائق وعملت شرب هلقط منه. وبالتالي لما استخدم ميزان القامة المفروض كنت بحط القامة علي الصفر المعماري وبأخد قرأه عشان أجيب منسوب سطح الجهاز اللي كان يساوي منسوب الصفر المعماري زائد قرأة القامة يعني لو اخدت قرأه 1.5 يبقا سطح الميزان = صفر +1.5=1.5

طيب هنا بقا أنا عندي شرب احسب منسوب سطح الميزان ازاي؟

بكل بساطة في المعادلة بدل ما أحط مستوي منسوب يساوي صفر هحط مستوى منسوب يساوي الشرب هقف بالجهاز وأحط القامة علي الشرب وأخد قرأه ولتكن 1.20 يبقا منسوب سطح الميزان =3م اللي هو الشرب +1.20 قرأه القامة =4.20م بكدا بقا معانا منسوب سطح الجهاز 4.20 وعندي منسوب التأسيس او منسوب قاع الحفر-3.40، نقدر كدا نحسب قرأه القامة اللي هي 4.20-3.40= 0.8م وهي دي القرأه اللي المفروض هشغل بيها المعدة اللي هتحفر عندي اللي المفروض هتابع مع المعدة بجهاز الميزان لحد ما أوصل للقرأه دي

 

أول خطوة مساحية في المشروع بتكون توقيع حدود الملكية ايه الهدف من توقيع حدود الملكية عشان أعرف إذا كان الجار داخل علي الموقع بتاعي ولا لاء اذا كان الجار منشئ مقام  الحاجة الثانية عشان أعرف في حالة لو مفيش جار موقعي هيدخل علي أرض الجار ولا لاء فعملية توقيع حدود الملكية عملية مساحية مهمة بنبدأ بيها في تنفيذ المواقع  

طب هل هيتم تحديد حدود المنشأ علي حدود الملكية؟

لا طبعا في فرق بين حد الملكية وحد المنشأ وفق اشتراطات قانون البناء الموحد والتي نفذها الحي اللي تابع ليه موقع العمل بتاعتك الحي أو البلدية بتحدد لنا حاجة اسمها مسافة الردود وهي المسافة الفاصلة بين حد الملكية وحد المنشأ

حدود المنشأ بقا بنوقعها بالتوتال استيشن برضو أربع نقاط ونوصل ما بنهم خطوط جير كعلامة لسائق معدة الحفر حتي لا يخرج عنها وفي مرحله الحفر المفروض ان حدود الحفر تنتهي عن اخر قاعده عاديه في المنشأ

عشان أبدأ انفذ بند الحفر محتاج أية

1. محتاج اعرف منسوب التأسيس
2. محتاج اعرف منسوب قاع الحفر
3. ولازم تعرف ان مش شرط يكون منسوب التأسيس هو منسوب قاع الحفر  لكن امتى يكون منسوب التأسيس هو منسوب قاع الحفر في حالة ان مفيش عندي احلال لان منسوب التأسيس هو منسوب بطن القاعدة العادية وبالتالي لما أوصل لقاع الحفر اللي هو -3.40م لو مفيش احلال هيبقى منسوب التأسيس هو منسوب قاعة الحفر يعني منسوب قاع الحفر -3.40م و منسوب التأسيس -3.40م طيب لو في احلال حسب تقرير الجسات فممكن يقولك منسوب التأسيس -3.40م وعمق الاحلال هيبقي 2م يبقي قاع الحفر تحت كام -5.40م  في الحالة دي قاع الحفر بعيد عن منسوب التأسيس يعني هحفر 5.40م وأرجع أردم 2م احلال عشان يكون منسوب التأسيس عند اول قاعده عاديه -3.40م
4. محتاج أعرف حدود الحفر وأوقعها بالتوتال وأعلمها بالجير علشان أشغل عليها المعدة وده بالاستعانة بالروبير أو ثوابت المشروع XY والاحداثيات اللي هوقعها بالجهاز بجبها منين من المخطط الانشائي للمشروع بحيث بشوف أبعد قاعدة عادية عندي في المخطط وبرسم بولي لاين يمس القواعد من الخارج وأطلع احداثيات الأربع نقاط اللي هيبقوا حدود المنشأ بتاعي بالاستعانة بالأتوكاد ,انزل بالتوتال أوقعهم في الطبيعة وأعلمها بالجير عشان أشغل عليها المعدة ومتخرجش بره الحدود دي لان أي خروج هو تكاليف زيادة في المشروع

 لو عايز تفهم موضوع الأحلال بالتفصيل كنا قد تحدثنا عنه سابقا انقر هنااااااااااااااااااااااااااااااا

طب بعد ما حددنا ل المعدات حدود الحفر وهتنزل  تشتغل هنعمل ايه هنسبهم كدا مع نفسهم مش هينفع لازم أقف بالميزان بتاعي واظبط وأفضل متابع مع المعدات من وقت الي أخر حتي نصل الي القرأة 0.8م اللي اتفقنا عليها وأول ما اوصلها أخليه يكمل الموقع بالكامل علي هذا المنسوب وأفضل متابعه لحد علي الأقل اغلب نقاط المشروع تكون علي القرأه دي

مش بس بتابع المعدة علشان أوصل لمنسوب التأسيس صح كمان اللي اهم من اني أوصل لمنسوب التأسيس صح اني أحافظ علي البنية التحتية اللي اتكلمنا عنها في أول مقالنا

خلي بالك إنك مش بتحفر بمعلقه دي معدة كبيرة يعني في نقاط هتبقا مرتفعه سم منخفضه 2سم والكلام ده مش مهم لان بعد كدا ممكن تنزل عمال تعمل تطهير للموقع وكذلك جوانب الحفر وتساويه على المنسوب اللي طالبه الاستشاري

 

من الحاجات المهمة اللي لازم تشيك عليها أول ما توصل لمنسوب التأسيس

حدود الحفر لازم ترجع تاني توقع نفس نقاط حدود الحفر اللي وقعتها علي الأرض الطبيعية لكن بتوقعها بعد ما تم الحفر ووصلت منسوب التأسيس بتوقعها بالتوتال استيشن عشان تعرف هل حدودك مظبوطه ولا أي الدنيا وبرضو ارجع اقولك احنا مش بنحفر بمعلقة سم أو اتنين داخل او طالع ممكن تتعالج في التطهير

بعد ما وصلنا حد الحفر نبدأ في عمل ميول ساندة للحفر حسب نوع التربة حتي لا تهيل جوانب الحفر كما في التربة الرملية فيتم تهريم الحفر حتي لا يسبب مشاكل لا يوجد حفر رأسي اللي في التربة المتماسكة

بعد ما بنخلص عملية الحفر يتم غمر الموقع بالماء وأنت مهمتك كمساح حساب كمية المياه اللازمه للموقع فقط لاغير

ولو عايز تعرف المعادلات اللي بتحسب بيها كميات المياه اللازمه للموقع سيب تعليق حتي يكون مقال الغدا عنها دمتم بخير

أحبابي في الله

 

الأعمال المساحية: تحكم وسيطرة اعمال المساحة برنامج الاعمال المساحية اجهزة المساحة