الخطوة الأولي يا شباب من خطوات انشاء مدونة مجانية على جوجل هي الدخول علي متصفح جوجل كما بالصورة التالية
الخطوة الثانية من خطوات انشاء مدونة مجانية على جوجل هي البحث عن كلمة بلوجر كما في الصورة
تظهر لنا مجموعة من النتائج نختار منها
تسجيل الدخول - Blogger.com أو يمكن الوصول اليها سريعا بالضغط هنااااااااااااااااااااااااااا فتظهر لنا الصفحة التالية
ملاحظة قد يطلب منك للدخول للصفحة السابقة تأكيد حساب الجيميل فتقوم بكتابة الأيميل والباسورد ثم تفتح لك هذه الصفحة والتي فيها سنقوم بكتابة اسم لمدونة بلوجر التي نريد ان نسمي به مدونتنا مثال رؤية جغرافية اسم مدونتي فكل شخص يسمي مدونته كما يريد لكن ركز معايا شوية
ايهما أفضل محتوي باللغة العربية ولا محتوي باللغة الإنجليزية من حيث الربح من أدسنس
المحتوي اللي انت هتكتبه علي المدونة دي وموجود في دماغك لان قبل ما تدخل المقالة دي مفروض انت اخترت المحتوي اللي هتكتب عنه مثال السياسة او الصحة والجمال او العناية بالبشرة او السيارات او التاريخ او الجغرافيا او اي محتوي ولو تفتكر في الحصة التدريبية السابقة قولتلك خليك في المقالات اللي بتشد الناس
لكن برضو لازم تحدد لغة المقالة بتاعتك اللغة اللي هتكتب بيها المقالات يعني لو ليك في الانجلش خلي المدونه بتاعتك باللغة الإنجليزية لان للأمانة العلمية انشاء مدونة مجانية على جوجل باللغة الإنجليزية ده أسعار نقرات الإعلانات علية هتبقا غالية جدا وبالتالي ارباحك هتكون افضل من المحتوي العربي بكثير لان كل متابعيك هيكونوا أجانب وبالتالي جوجل ادسنس هتحط في مدونك الإعلانات ذات النقرات العالية في السعر لان بتعرض للأجانب دي كانت حاجة مهمه لازم انوه عنها
الأسم المعروض هتضغط عليها وتكتب الاسم اللي انت عايزه يظهر للمدونه بتاعتك في حالتي مثلا هسمي المدونة دي وليكن علوم تقنية
اي اسم لان اصلا هندخلوا جوه ونعملوا الكلام دا تاني
بعد التسمية هنضغط علي امر انهاء فتظهر لنا الصفحة التالية
بعدها سوف نقوم بالضغط علي شعار بلوجر كما تم تحديده في أعلي الصفحة السابقة فتظهر لنا الصفحة التالية
والتي من خلالها هنبدأ بالضغط علي كلمة انشاء مدونة للبدء في انشاء مدونة مجانية على جوجل بعد الضغط علي كلمة انشاء مدونة ستظهر النافذة التالية سنقوم بتسمية المدونة ثم الضغط علي التالي كما في الصورة
بعدها ستظهر لك نافذة اخري والتي فيها ستقوم بتحديد اسم نطاق لمدونتك بمعني عنوان لينك مدونتك كما في الصفحة التالية
.blogger.com دي هتفضل زي ما هي لان دي الاستضافة المجانية انا مش عايز اقولك كلام متفهمهوش بالبلدي كدا دا المكان علي الانترنت اللي بيدك مساحة تخزن عليها ملفاتك علي شبكة الانترنت يعني المكان اللي بيخزن مقالاتك وصورك اللي بترفعها في المقاله وخلافة منصة بلوجر مشكورة بتوفر لينا الكلام دا مجاني في دومين بقا بيبقا مدفوع ممكن تشتريه بعد كدا وتركبه علي مدونتك لو حبيت بس انا شايف ان المجاني افضل بكتير لأنشاء مدونة مجانية على جوجل وهشرحلكم السبب فيما بعد
المهم يا شباب كانت مدونتك بللغة العربية او باللغة الانجليزية لازم اسم الدومين او النطاق دا يكون باللغة الانجليزية اي اسم انت حابب تسميه ممكن تاخد اسم المدونة وترجمه علي جوجل وتحطه بس ملحوظه مبيقبلش ولا مسافات وشرطه ولا اي زمز من الرموز فقط حروف انجليزية وارقام لو حابب مهم لازم تجرب لحد ما يظهر لك تحت عنوان هذه المدونة الالكترونية متاح لان ممكن تكتب اسم يكون حد غيرك كتبه قبلك فبالتالي هو محجوز وهيكتبلك بالاحمر عذرا عنوان هذه المدونة الالكترونية غير متاح ثم تضغط علي حفظ وبالتالي تم انشاء مدونة مجانية على جوجل
وستظهر لك المدونة بهذا الشكل وسنكمل في الدروس التدريبية القادمة باذن الله
