يوجد مجموعة كبيرة من تطبيقات الهاتف المحمول التي تخدم العاملين في حقل المساحة وكذلك تخدم المستخدمين بشكل عام أي حتي يمكن لغير المساحين استخدام تلك التطبيقات للقيام بأداء مهام يريدونها وقبل الحديث عن تلك التطبيقات سوف أحكي لكم قصة حدثت معي كي أبين لكم أهمية هذه التطبيقات
قصة حدود ملكية
في احدي ليالي عام 2020م اتصل بي أحد الأشخاص الذين لا أعرفهم ولكنه كان يعرفني من خلال الأنترنت ولا علاقة له بمجال المساحة ولا يعرف عنه شيء رديت علي الهاتف
أنـــــــــا :السلام عليكم ورحمة الله وبركاته
الشخص: وعليكم السلام ورحمة الله وبركاته معايا بشمهندس أحمد
أنــــــــا: نعم اتفضل
الشخص: يا بشمهندس أنا واقع في مشكلة كبيرة ومش عارف أعمل أيه؟ خير يا فندم بس في أيه؟
الشخص: والله يا هندسة أنا ليا حتة أرض ورثي علي طريق أسفلت وهي بعيدة يعني أرض رمال ومكنتش بتنزرع أصلا مهم روحت أبص عليها لقيتها مبنية في مقاول أخد الأرض وارض جنبها وبني عليها كلها ولما اتكلمت معاه قال لي مش دي أرضك وأرضك ورا الناحية التانية بعد المباني يعني الراجل أخد وجهة الأرض بني عليها وبيضلله كمان ويقوله أرضك ورا الشخص اللي بيكلمني متأكد ان المقاول بني علي أرضه وفعلا مفيش حد بيتوه عن أرضه لكن المقاول مصمم انه صح والبناء بعيد عن أرض الراجل دا لدرجة أن المقاول ببرودة خلي الشخص دا يشك فعلا ان الأرض دي مش بتاعته بالرغم انه واثق جدا انها ملكه
أنــــــــا: هل الأرض دي مسجلة في الشهر العقاري ؟
الشخص: نعم مسجله بس أنا عايز أتأكد هو المقاول بالفعل بني عليها ولا لاء لانه رجع بعد ما كان بيقول لي ارضك ورا بيقول لي لو طلعت ارضلك خدلك قرشين وخلاص
أنا يا اللي مش صاحب الأرض دمي اتحرق ما بالكم بصاحبها بس اتأكدت ان المقاول فعلا ساق المستهبلة وبني علي ارض الراجل دا
أنــــــا: أول حاجة هتعملها هتجيب خريطة الأرض وطبعا الخريطة دي هتكون عليها حدود الارض واحداثيتها بدقة وطبعا علشان ينزل مساح بتوتال يوقعها هيأخد كتير وزي المثل ما بيقول مش هيبقا موت وخراب ديار قولتله هتنزل علي تليفونك برنامج اسمه mobile topographer من علي المتجر بتاع جوجل بلاي وهتروح الموقع اللي فيه البناء ومعاك الخريطه اللي فيها الاحداثيات الخاصة بأركان الارض والموبايل فقط
وقولتله هتظبط اعدادات البرنامج وتدخل احداثيات كل ركن وهتمشي علي البرنامج لحد ما توصل النقطة والمسافة تكون صفر وشوف لو الأربع نقاط دول داخلهم بناء اذا بالفعل هو كدا تأكد ان ارضه اتبنت
الشخص: لو فعلا اتبني علي الأرض لاني متأكد أيه الحل يا بشمهندس؟
أنـــــــا: لو فعلا اتأكدت انها اتبنت وmobile topographer طلع معاك النقاط مبني دخلها هتشوف محامي وهترفع قضية علي المقاول وهتقدم ورق الملكية من الشهر العقاري ولو المقاول فضل مصمم المحكمة هتخلي حد ينزل من هيئة المساحة التابع لها قطعة الارض يوقعها ويشوف ولو انت مستغني عن قطعة الأرض علشان تحل المشكلة هتبعها ليهم بس بالسعر اللي انت تحدده مش تأخد قرشين زي ما قال المقاول
برامج موبايل لا يستغني عنها المساحين
- mobile topographer هو أول هذه البرامج التي يجب أن يكون علي هاتف كل مساح وذلك لتحديد موقع النقاط الثابتة في الموقع وتحويل الأحداثيات وغيرها الكثير ومن مميزات البرنامج أنه لا يعمل بالأنترنت فقط يجب فتح النفجيشن الخاص بالهاتف لان البرنامج يعمل علي الأقمار الصناعية ويوجد من التطبيق نسختين مجاني ومدفوع
- برنامج DWG FastView يقوم التطبيق بفتح لوحات الأتوكاد وتعدلها واستخراج احداثيات منها في الموقع اذا لم يتوفر جهاز حاسوب
- تطبيق Fields Area لقياس الأطوال والمساحات ولكنه يلزم فتح الأنترنت وفتح الموقع الجغرافي علي الهاتف لتحميل الخريطة
- تطبيق CoordTransform لتحويل الأحداثيات والتبديل بين أنظمة الأحداثي
- تطبيق Measure Map Pro برنامج مذهل في مسح الأراضي وحساب مساحتها ومحيطها وأطوالها
- تطبيق Surveying In the Field لتعلم عمليتي الرفع والتوقيع المساحي
- تطبيق ENEWZ شروحات مساحية بلغة انجليزية
- تطبيق Total Station ,Auto Level,Theodolite Surveying هي محاكاه لعمل الأجهزة المساحية
- تطبيق Survey Calculator الحل النهائي لكل الحسابات الخاصة بالهندسة المساحية
- تطبيق Cloud Quantity Surveyor لتدوين وكتابة المعلومات الخاصة بالمنشأت والمباني العقارية