ازاي ابدأ صح في مجال المساحة والخرائط
علشان تكون مساح فاهم
اولا لازم تكون ملم ببعض الدراسات الاكاديميه يعني انا مش بقولك ارجع الكلية وهات كتب في الجيوديسيا والمساحة واقعد ذاكر واحفظ لا طبعا أنت أصلا بعد ما خلصت كلية خلاص عايز تدخل لمجال العمل وعايز تشتغل ومهئ لهذا ولكن في الحته الاكاديميه محتاج بس تجيب حتى كتب من خارج الجامعة في المساحه العامه وتأخد فكرة عنها وعن الأجهزة والقوانين الرياضية التي تعمل بها
تبقي عارف يعني أيه ميزانيات وازاي بتتنفذ وايه هي أنواعها والحسابات بتاعتها وتكتب أمثلة عليها وتحلها وتحققها رياضيا وكل الكلام دا تراجع شوايه الرياضيات الخاصة بحساب المثلثات والزوايا والاتجاهات واسس علم الجيوديسيا و الاقمار الصناعيه وفكرة عملها فكرة عمل الميزانيه مش أي حد يعرف قوانين الرياضيات القائم عليها علم المساحة ولكن انت كراجل اكاديمي لازم تكون ملم بكل اللي مكنتش بتدرسه في الكليه فأنت محتاج تطور من نفسك شويه في الشق الأكاديمي ده علشان هو اللي هيفرق ما بينك كمساح محترف وبين القرود الضاغطة علي أزرار
يجي بعد كده الشق الثاني وهو العمل أو النزول سوق العمل
فسوق العمل زي ما شرحتهلكم مسبقا يا شباب عرفين انه بينقسم لمجالين
- المجال الحقيقي اللي هو الفلد filed الموقع والاجهزه والمعدات
- مجال العمل المكتبي واللي هو البرامج والسوفت وير الموجوده في الأفيس
المجال الحقيقي وعندك فيه اجهزه كثير جدا ابتدأ من الليفل أو الميزان ومرورا بالتوتال استيشن و الجي بي اس ثم الأجهزة الحديثه والتكنولوجيا الحديثه زي الموبايل ماب والليزر سكانر لحد الدرونز (الطيارات والتصوير الجوي) كل ده في مجال اللاند سيرفي لكن لو دخلنا في المساحه البحريه هنلاقوا أجهزة مختلفة شوية زي أجهزة الأيكوساوندر و طريقه ربط المساحه البحريه مع أقمار الجي بي اس والحاجات اللي بتحسب الاعماق وبترسم طبوغرافيا القاع برضو متخليش حد يضحك عليك وبالذات الناس بتوع كورسات تحت بير السلم أنت اكاديمي راجل جامعي مش مطلوب منه اصلا انك تأخد دورة في جهاز ما لان ببساطة مش كل الأجهزة زي بعضها وبتختلف من شركة لاخري وبالتالي انت عندك الأساس وبتختلف عن القرود الضاغطة علي أزار بهذا الجانب فلو جبنا علي سبيل المثال جهازين توتال استيشن مختلفين وجبنا مساح أكاديمي واخر قرد ضاغط وكلاهما لم يتعامل مع نوع الجهاز الواقف عليه وطلبنا منهم ربط الجهاز من تتوقع أن يربط جهازه بشكل أسرع ؟
أنا أتوقع الأكاديمي لان القرد الضاغط حافظ النقر ع جهاز معبن بترتيب خطوات ولا يفهم حتي معني كلمة ربط الجهاز بينما الأكاديمعي عنده الأساس الذي يعمل به الجهاز ولو أخدنا مثال اخر وهو ظهور رسالة خطأ لكلا الشخصين عند العمل بجهاز الجي بي اس من تتوقع ان يتعامل معها ويحل المشكلة؟
وبالتالي الاكاديمي لا يحتاج الي كورسات تدريبية علي جهاز ما كل ما يحتاج اليه هو أن يشتغليوم أو يومين في الموقع يفهم الشكل العام للموقع ماشي ازاي
خلاصة القول في الشق الخاص بالفلد مطولش في الأجهزة لان كل اليوم في الجديد منها فعلي سبيل المثال اجهزة الليفل أصبحت اليوم الكترونية تعمل باليزر وتنطق القراءة علي شاشة ديجتال بدل من القامة التقليدية التي كان يقرأ عليها أي عامل بالموقع كذلك التوتال استيشن مش محتاج انك تطول وتشوف كل نوع واصداراته خليك في الأساسيات يعني ايه استيشن يعني ايه باك يعني اية ريسكشن امتا بنعمله فكرة حساب الريسيكشن ويجي هنا بقى الحته الاكاديميه المميزه اللي موجود في المواقع الجزء الاكاديمي هو فاهم يعني ايه ريسبشن وعارف المعادله اللي بتحسب الريسيكشن بيبقا فاهم هو بيعمل ليه كده لكن الموضوع بيختلف من جهاز لجهاز ومن شركه لشركه فانت مش محتاج تفهم كل الاجهزه وتطول في الموضوع واللي محتاج فعلا انك تكون ملم بيه في الفلد والأوفس هو ال جي بي اس مهم تعرف يعني ايه RTK ويعني اية Static و لازم تعرف تشتغل لازم في الاوبشن هتقابل بعض المشاكل لازم تعرف سببها وحلها يبقى عارف شكل الكنترولر او جهاز التحكم الموجود لان بيقابل الناس اللي شغال مشاكل كثير في ال جي بي اس وبيطلع ليهم رسائل خطأ كثيرة ومعظمهم يقعد يضغط علي أزرار وهو مش فاهم بيعمل كدا ليه
ومن هنا ظهر مصطلح القرود الضاغطة علي أزرار هو مجرد شخص أخد كورسات تحت بير السلم عرف ازاي يضغط علي ازرار وبالتالي لما بتقابله اي مشكلة بيقف قدمها مكتوف الأيد لكن الراجل الأكاديمي بيبقى عارف ايه اللي بيحصل في الجهاز من جوه عارف المعادلات اللي الجهاز ماشي بيها وبالتالي أي خطأ هيبقا عارف سببه وحله
مع التطور الذي شهده علم المساحة في اجهزته في العصر الحديث وظهور كل من اجهزه المسح بالليزر سكانر والموبايل ماب والدرونز والحاجات دي ومن هنا نتنبأ باختفاء القرود الناقره من ساحة المساحة ولكن سنحتاج بمصر لوقت اطول
هل تستخدم الأجهزة في كل المشروعات ؟؟
لا يعني انت لو راجل دخل في مجال الطرق هتلاحظ ان مثلا استخدامات ميزان القامه البسيط و توتل استيشن هي اكثر بكثير جدا من الجي بي اس لو انتقلت لمجال الأنشاءات هيكاد ينعدم الجي بي اس وذلك لان في مجال الانشاءات نحتاج لدقة أقل من سم والجي بي اس يعمل بدقة سم فما أعلي فبيختفي دور الجي بي اس بعد عملة الرفع الطبوغرافي أي وضع الثوابت وهذا ما اكدت عليه في شروحات سابقة أن اي عمل مساحي في المساحة المستوية يبدأ بمسح طبوغرافي اولا
باختصار شديد لو انت هتشتغل في مجال المساحة للمواقع الصغيرة فلم تجد الجي بي اس لكن عند العمل في رفع مدن كاملة او شبكات جيوديسية هتلاقي الجي بي اس متصدر القمة ولكن في دوره للاختفاء ليفسح المجال امام الدرون او الليزر اسكانر
الجانب المكتبي بعد ما انتهينا من الجانب الحقلي واللي المفروض كمساح محترف مطولش فيه أكثر ن سن الاربعين وخلال هذه السنوات من الخبرة في العمل الميداني لازم تكون مختط بالجانب الاخر وهو العمل المكتبي علشان بعد السن ده مش هتلاقي شركة تعينك بالرغم من انك عندك خبرة سنوات كتير ولكن المجال فيه نوع من العتالة شوية وبالتالي الشركة هتكون اولوية التعين لمتخرج حديث وان احتاجت اليك هتكون في العمل المكتبي
فمن اول يوم تشتغل فيه في الحقل خلي عندك شغف وتعلم لكل ما يحدث في العمل المكتبي اختلط بالناس واتعلم منهم شوف بنفسك وحاول تخرج المنتج النهائي المطلوب لانك هتقعد علي المكتب في يوم من الايام ويبقا هو ده عملك والمطلوب منك فاخختصار لازم تربط العمل المكتبي هذا بعملك الميداني وكما وضحت سابقا انهم واجهان لعملة واحدة
حتى الامور الاداريه لازم تكون متقنها جدا لعلك تترقي الي مدير مكتب للرفع المساحي باحد الشركات فلازم تلم بالادارة وفنونها فتكون عارف ازاي توظف كل شخص حسب مهاراته مين يكون في الفلد ومين يكون في الاوفس ازاي اعمل المستخلصات والعقود والحسابات وغيرها كي احقق انجاز العمل باقل وقت وتكلفه
طب يا بشمهندس في في الاوفس قرود ضاغطة ؟؟؟
للاسف الشديد القرود الناقره لم تترك كلا المجالين ويمكن وجودهم في الاوفس اخطر من الفلد
ف الشخص الاكاديمي عارف كويس جدا الجانب الاكاديمي في الفلد والأوفس وبالتالي لما بيعمل حاجة بيبقا عارف بيرسم الرسمه دي ليه ايه الهدف منها