شغل الفريلانس في مجال الجي اي اس

لما نيجي نتكلم يا شباب عن  الفريلانس في مجال نظم المعلومات الجغرافية  لازم نبقوا فهمين كويس جدا يعني أية  فريلانس!

كمان لازم تعرف كويس جدا ان  الفريلانس في حد ذاته هو مجال للعمل عن بعد وغير محصور في الجي اي اس فقط بل يكاد يضم جميع مجالات الحياة  ف الفريلانس هو وسيلة لايجاد فرصة للعمل الأنلاين ولكن محتوينا هذا سيفيد بشكل عام كل قارئ وبشكل خاص فهو موجه للجيوماتكسيين

يعني أية يا شباب  الفريلانس Freelance ؟

يعني ببساطة اذا كان لديك موهبة او مهاره او خدمه معينة تستطيع ان تقدمها للناس زي مثلا يا شباب خدمة رسم وانتاج الخرائط بنظم المعلومات الجغرافية

او خدمة مثلا انتاج الخرائط التفاعلية للمطاعم والشركات فالخرائط يا شباب أصبحت الأن لغة العصر واصبحت كل المجالات تستخدم الخرائط بشككل اساسي

لكن انا مثلا بعرف ارسم خرائط وبعرف اعمل شغل كتير وخدمات كتير بنظم المعلومات الجغرافية لكن مش لاقي شغل وقاعد في البيت و24 ساعة اونلاين وبدور علي شغل علي النت ومحدش معبرني فأنا جاي بقا النهاردة اكلمك عن  الفريلانس يعني ببساطة الشغل هو اللي هيدور عليك مش انت اللي هدور علية لكن الموضوع عايز شوية شغل منك في البداية 

يعني تقدر تعتبر انك هتدخل حرب تنافسية وكل ما تخخرج افضل ما لديك تكون مطلوبا في المقدمة دائما 
يعني هتستطيع العمل وانت في بيتك في نظم المعلومات الجغرافية اللي هو مجال عملك وبدخل لا بأس به فالفريلانس ببساطه شديده ما هو الا انك تعمل خدمه للناس عن طريق الانترنت وهي رسم خرائط عمل تحليلات وتقديم تقرير وممكن تشتغل في المجال بعيد عن الانترنت لو عرفة تعمل لنفسك  شبكه علاقات قويه تربطك بشركات وناس بعد ما قدمت لهم خدمة مميزة لو محتاجين حد وفي فرصة عمل علي ارض الواقع هتكون انت اول شخص يجي علي بالهم  

ليه بقا انا بقول حرب ؟؟

علشان ببساطة انت مش لوحدك في المجال فانت ليك منافسين كتير وبالتالي جودة شغلك وكل ما تغذي الشغل بتاعك وتقدم الخدمة بجودة عالية وسعر أقل كمبتدأ علي  الفريلانس كل ما كان اختيار العميل ليك اكبر

 

ملخص الموضوع يا جماعة 

 الفريلانس ده عبارة عن مجموعة مواقع ضخمة بيستخدمها ناس في كافة نواحي الحياة ويعرفها ناس حول العالم اي حد محتاج لخدمة معينة بيدخل علي الموقع ويبحث والموقع طبعا بيقدملة كل البروفيلات للاشخاص اللي بيقدموا الخدمة دي 

يعني مثلا 

أنا دخلت علي الموقع بحثت مثلا عايز حد يرسملي خريطة 

الموقع بيعرض ليا 

صفحة احمد ومحمد وعلي ومحمود الخ انا بقا كزبون بدخل علي كل واحد اشوف ايه المراجعات اللي عنده اية الخرائط والحاجات اللي حاطتها من اعمالة السابقة 

علشان كدا بنصحك لو انت معندكش شغل سابق ولسة مبتدأ جرب انك تعمل شغل علشان تعرضة لان دة هيكون مراجعات ليك والناس هتدخل تشوفه وتحطلك تقيم عليه وكل ما كان تقيماتك اعلي كل ما قدمك الموقع للزبون كمقترح اول علشان كدا متستهونش بالموضوع وضع افضل ما لديك

الموضوع مبيقفش هنا يا حبايب قلبي 

انا ممكن ادخل اي موقع فريلانس مثلا واعمل منشور واقول فية مثلا والله انا محتاج حد يعملي خريطة تفاعلية للمحل بتاعي مثلا ادخل اعرض خدمتك 

فانت تقدر في الموقع علي مدار ال24 بتنزل خدمات خش علق قول مثلا انا بعمل الحاجة دي وميزانيتي فيها كذا والله الزبون مش عبيط هيدخل يشوف شغلك ع البروفايل لو عجبه وسعرك مناسب هيطلبها منك  وبكدا انت مش هتستني لما حد يدخل يطلب منك في الاول انت هتبحث عن الوظائف دي وتعرض خدمتك بس انصحك يكون عندك البروفايل محترم قبل ما تقدم علي انجاز اي مهمه 

مميزات الفريلانس ...

1. اول حاجه واهم حاجه انك تبقى حر يعني لا تكون مقيد بالوقت تعمل متي ما اردت ولكن طول ما انت مبتدأ انسي المميزات دي لان اوقات كتير الشغل بيحكم ويجي زبون مضغوط وساب ناس بروفشنال في المجال علشان الوقت فحاول انت تيجي علي نفسك علشان تكسب الزبون ده 
2. تستطيع العمل في اي مكان فانت عملك وخدمتك تقدم اونلاين مش محتاج انك تروح شركة او مكتب لا من علي سريرك عادي
3. تختار السعر الذي تحب بناء علي امكانياتك ومهاراتك ولكن فالبداية كما قولت قدم اجود خدمة باقل الاسعار
4. ممكن تتعامل مع ناس داخل بلادك وخارجها لو قدرت تبني لنفسك اسم كويس  في مجالك ممكن تجيلك فرص للسفر والعمل بالخارج في المجال واحلي تقدير يا قلبي .

أية هي مواقع  الفريلانس؟؟

مواقع كتير منها الأجنبية زي Freelance وFiverr   وغيرها ومنها العربية زي خمسات وموقع مستقل وغيرها 

طبعا علشان تستلم فلوس شغلك من اي موقع من المواقع دي يلزمك حساب بنكي 

علشان المواقع دي زي وسيط ما بينك وبين الزبون لكن طبعا ذات مصدقية كبيرة والفلوس بتدخل حسابك 

بالنسبة للاخوة المصريين فتح الحساب البنكي اصبح ساهل من 1-8-2022ل30-8-2022 الشهر الحالي لان مصاريف فتح الحساب بمبلغ بسيط 100 جنية بمناسبة دعم الشباب بعد الفترة دي بتكون مصاريف فتح الحساب في حدود 4000 جنية فلو انت مهتم وعايز تشتغل جي اي اس فريلانس متضيعش الفرصه من ايدك واذهب لاقرب فرع بنكي ببطاقة الرقم القومي لفتح الحساب 

اما لو انت متابع من اي دولة اخري اذهب لاقرب بنك لك واسألك عن طريقة فتح الحساب البنكي

لو عايزين بقا نكمل في موضوع فريلانس ده ونشرح المواقع دي وازاي نعرض خدمتنا ونصائح كتير تعليقاتكم هي اللي هتعرفني