مساعد مساح
السلام عليكم ورحمه الله وبركاته أهلا وسهلا بالأخوة المساحين والمساعدين وبكل من هو مهتم بمجال المساحة مقالي اليوم عن سؤال جالي علي أحد مواقع التواصل الاجتماعي وحبيت اتكلم في الموضوع ده لعل يستفيد منه الجميع بماشيئت الله تعالى
بسئل حضرتك عن كيفية عمل مساعد مساح و عن راتبه وعن طبيعه عمله؟؟؟
أولا بالنسبة لطبيعة عملك كمساعد مساح تتلخص في الأتي:-
لكون الأعمال المساحية وأجهزتها تتطلب قوة بشرية تساعد القائم بتلك الأعمال فدورك هنا هو المساعدة بالقيام بعمل معين يطلب منك ووظيفة مساعدة المساح ليست وليدة اليوم ولكنها ظهرت منذ بدأية ظهور علم المساحة نفسه وكان يقوم بدور المساعد مساح أخر دون التقليل من أي العاملين وكانوا يحصلون علي اجر مساوي لبعضهم لا يقلل من أي منهم ولكن عندما تطور العلم والأجهزة المستخدمة في الأعمال المساحية ولكون أي شخص يستطيع القيام بدور المساعد فهنا تم التقليل من المساعد بل ويأخذ راتب أقل من المساح القائم بالعمل ومن هذا المنطلق تحول مجال المساحة من مجال ذو رفعه وشرف إلي مهنة لمن لا مهنة له
دورك كمساعد مساح من أقل الأدوات لأحدث الأجهزة
1-الشريط
أيه ده يا هندسه هو الشريط محتاج مساعد ولا عاد حد بيستخدم الشريط ديلوقتي
الشريط من الأدوات المساحية التي لا يمكن الأستغناء عنها أبسط مثال للأقناع انت لو عندك قطعة أرض وعايز تجيب مساحتها مش هتروح تأجر توتال ولا ميزان علشان تجيب مساحه شريط بسيط بتقيس بيه الأطوال ومن ثم تطبيق القانون الخاص بحساب المساحه طيب دوري كمساعد أيه؟؟
دور المساعد في العمل بالشريط هام جدا في عملية التوجيه بالشاخص بالإضافة إلى الإمساك بطرف صفر الشريط أثناء عملية القياس وجمع الشوك التي يغرزها المساح فضلا عن بعض الأعمال الأخري البسيطة التي يمكنه القيام بها ويطلبها منه قياس الأراضى
2-جهاز ميزان القامة
دورك كمساعد مساح عند العمل علي هذا الجهاز هو الأمساك بالقامة وهي طبعا مسطرة قياس طويلة بتمسكها وبتقف بيها في النقاط التي يحددها لك المساح وهو باخد لقطة بالجهاز وبيحدد منسوبه طبعا ده مش شغلك مهم انك واقف لحد ما يديك إشارة التحرك علي النقطة اللي بعدها
طب يا هندسه تنصحني بأيه لو أنا هنزل مساعد مساح ميزان؟؟
خلي بالك أن بالرغم من اني ذكرت فوق أن مهنة مساعد المساح أي حد ممكن يقوم بها وأنه المجال تحول لمهنة من لا مهنه له إلا اني انصحك ببعض الحاجات اللي لو مأخدتش بالك منها ممكن تلبس المساح اللي شغال في حيطه
1-القامة لعبة المناسيب
يعني ركز جدا المنسوب ده اللي بيتحسب عليه كميات وليلة كبيرة اوووي ساعدتك يعني لو في خطأ بسيط بيعمل كارثة كبيرة فلازم تأخد بالك القامة فيها كليبسات لازم المتر اللي تفتحه تفتحه لأخر الكليبس علشان متعملش كارثه كذلك متلقيش الارضيه تكاد تكون مستويه وفي حجرة موجوده تروح تحط القامة فوقها أو وانت واقف علي النقطه تحط القامه علي حذائك كل ده يؤدي إلي خطأ في المناسيب
2-خد بالك انك لازم تفهم القامة بمعني آخر انك تعرف ان لو الأرض نزلت فالقرأه اللي هو بيأخدها هتزيد ولو الأرض ارتفعت فالقرأه اللي هو هيأخدها هتقل فمتعملش ذكي عليه وتفتح القامة نص متر علشان مينقطعش عيشك من اول يوم حاجه كمان لازم تعرفها في القامة موضوع ميزان المياه لأن بعض الشغل بيكون محتاج دقة فإتعلم اقف بالقامة مظبوط والميزان فقاعة الهواء ف المنتصف هو مش شرط بس علشان تبقا مساح جيد لازم تكون مساعد جيدة حاجه أخيرة في موضوع القامة انت عارف طبعا أو هتعرف أن القامه وشين واحد ديسيمترات وده اللي بنستخدمه وواحد مترات ومليمترات وده بتقلب عليه لما تلاقي نفسك هتقف بالقامه بالقرب من جهاز الميزان طبعا متنساش أن ف بعض الأعمال ممكن يطلب منك تقلب القامه تقف بيها مقلوب
3-لازم تتعلم الأشارات ودي طبعا مش هقدر أفيدك فيها لان بتختلف من مساح للأخر حسب ما بيتفق معاك عليها
4-خبرة تقدير المسافة ودي طبعا هتتعلمها بالتدريب واحده واحده أحيانا ممكن المساح يقولك مثلا امشي في نص الطريق ده وكل 5متر هتقف بالقامه فأنت مفيش علامة هتقف فيها حاول وانت ماشي بالقامه مثلا تعد 5خطوات وتقف واحده واحده هتعرف تقدر المسافات تقريبا دقيقه
3-جهاز التوتال استيشن أو المحطة الشامله
عند العمل علي هذا الجهاز دورك كمساعد مساح هو عصا البرزم أو الشيت وطبعا البرزم ده هو العاكس اللي المساح بيرصد عليه وبيكون ليه ارتفاع برضو والمساح مدخل الارتفاع ده للجهاز يعني انت بسلمتك بتلعب غيرته بوظت الشغل لو بيهمه المنسوب لكن لو بيرصد احداثيات وخلاص مش هيأثر في المنسوب برضو البرزم فيه ميزان ماية حاول تتعلم تقف بيه وهو مظبوط وده مش شرط في كل الأعمال لكن مثلا أثناء التوقيع شرط ولازم تضبط الميزان الخاص بماية البرزم
أخر حاجه ننصحك بيها أثناء الرفع بالتوتال استيشن خليك فنان بمعني ايه يا هندسه بمعني انك تعمل توزيع صحيح لنقاط الشبكية بتاعتك بحيث تغطيها صح وده حسب رؤيتك أنت التضاريس المكان ومدي شدتها
4-جهاز تحديد المواقع العالمي الجي بي اس
هنا بقا يكاد يقل دور المساعد المبتدأ ولو ربنا كرمك وتوفرتلك فرصه زي دي فدورك هتتعلك جهاز شبه الموبايل كدا اسمه مجمعة البيانات أو الدتا كولكتر وطبعا دورك مش هيكون ف الاعدادات أو اي حاجه انت بتساعد المساح فقط ف انك هتقف بعصا البرزم وعليه وحدة الروفر والدلتا وتضغط علي النقطه موضوع بسيط وساهل وف الغالب مش بيحتاج المساح المساعد من الأساس الا إذا كان حجم الشغل كبير
هختم هذا المقال براتب مساعد المساح ؟؟؟
زي ما قولتلك فوق المساعد كان مساح في الأساس لكن مترخصش نفسك وبالنسبه للراتب متغير من مكان لأخر ومن شركة الي أخري طب لو حبينا ندي رقم في الاول كان ممكن اقولك بداية من 3500
ديلوقتي وفي وقت نشر المقال مينفعوش والله وبرضو بيكون راجع للأمتيازات الأخري زي السكن والمواصلات والأكل
في حاجات تانيه يهمك تعرفها كمساعد ودي هتنزل في مقال أخر ولو استفدت وعايز اعرف اكتر اترك تعليق يشجعنا علي أن نستمر بإذن الله تعالى