الصفات التي لا يحبها الرجل في المرأة الجزء الثاني
الزوجة اللي بتزعل كتير
طبعا احنا بنسميها قفشت واخدت جمب وبتالي زعلك بيكون كبير، وده بيسبب مشكلة انه بيعكر المزاج اليوم كله لانها زعل مستمر ومفيش وقفة بمعني مفيش حوار هو مش عارف انتي زعلانة ليه او ايه اللي حصل وتبدء الخلافات طب ايه العمل ؟
الاول اننا نبطل نقفش ونقول عالفكرة كلمة دي زعلتني او تصرف ده اغضبني ياريت ميتكررش
الحل الثاني اننا نجبها بشكل غير مباشر بمعني لو انا عملت معاك التصرف كذا كذا هل ده يضايقك ونفهم منه هل تصرف ده ممكن قصده هزار او المرح او ممكن عن غير قصد وتفهميه وجه نظرك ايه ؟
الحل الثالث فيكي انتي اولا هتستفادي ايه لما كل شوية تزعلي من كل التصرفات
لا في امور محتاجة نطول بالنا ونعدي و ناخدها بصدر رحب ونعذر عشان اولا يعملك خاطر ويكون زعلك مهم وياثر فيه ومش تهوني عليه بحيث يعمل حساب انه فعلا مش هيقدر علي زعلك ويومه هيبوظ ، وكمان عشان مش نخلط بين اهمية الامور بحيث عالطول زعلانه طب لما يحصل حاجة كبيرة وفعلا دي كارثة بالنسبة ليكي هو هيخلط بين اهمية الامور بحيث انتي عالطول زعلانة كل حاجة مزعلكي انه مهم فيهم وانه الخط الاحمر موضوع فيه لبس بالنسبة له ،كمان عشان يومكم يمشي كويس كل يوم زعل ونكد طبيعي هيزهق منك مش هيحب وجودك هيخرج اكتر مع صحابه او يقضي فترة طويلة في العمل ،الزعل المستمر كمان هياثر عليكي بسلب من ناحية ان جسمك هينزل انك عالطول هيطلعلك تجاعيد و مشاكل البشرة والشعر ، ناخد بالنا كويس جدا ان ده هياثر جو العام لاسرة واولاد و غالبا مشاكل هتعمل حالة من التوتر والكابه، كل ده ليه ؟؟
الزوجة المتطاولة :-
كارثة بمعني الكلمة لانك بتفتحي باب من الجراه لانه انتي هتغلطي مرة والسلام هو خلاص هياخدها باب وتفتح انسي يحترمك مرة تانية ولو حتي لو اشتكيتي لدنيا كلها اسهل رد هيا اللي قالت كذا كذا في بداية ، غير كده انك بتفتحي جواه جرح كبير لان اي انسان مهما كان هو مين او ابن مين او بيشتغل ايه مبيحبش حد يهينه نهائي لاننا عبارة عن روح ودم وكرامة ولازم تعرفي ان اول انجاز الراجل بيحققة هو انه بيني اسرة و يبقي مسؤل منه زوجة واولاد يراعيهم وتيجي انتي تغلطي فيه ده غير انها وجعته او جرحته هيحس بفشل واحباط شديد تلاقي هينفر منك اذن الحل :-
انك لازم تخلقي جو من الاحترام المتبادل ليكي وليه و ان ده تحته مئة خط ومش يتكسر ابداا وكمان عشان تطلعوا جيل محترم ولازم حتي لو هو بيعصبك او بيعمل تصرف غلط يثير اعصابك بردو لا نغلط ولا نهين انما نفتح باب من حوار بكل الاساليب وان الدعاء سلاح لكل الصعوبات الحياة تمسكي به .
الزوجة العنيفة :
الراجل يحب الزوجة الحنينة الطيبة اللي بتطبطب عليه وتحتويه من هموم الدنيا وضغط الشغل ووشك البشوش وفرح لما تشوفيه يعني لطيفه.
الزوجة الغير قنوعه :
دايما تعترضي علي حالك وعايز فوق طاقته وحالته المادية ونبص لغيرنا ونقارن ونبدء نلوم الحظ والزمن ومشاكل وتنتهي العلاقة ليه؟ لازم ترضي معاه وتحبي الظروف معاه مهما كانت قسوتها ودي غالبا بتكون اجمل ايام ليكم مع بعض انك تترضي يبقي مش ابص لغيري اني احمد ربي اني افتخر انه زوج اني اساعده وادعيله .
كاتبة المقال بش مهندسة أمنية محمد المحلاوي