دي غلطة مساح
دي غلطة مساح دائما وأبدا
كل كارثة تحدث في الموقع تلاقي ان شماعة الأخطاء هو المساح والجميع يقول (دي غلطة
المساح) حتي لو المساح ملهوش علاقة بالشغل لكن للأسف الشديد بيلبس الليلة ومبيكنش
عنده إمكانية اقناع الغير بأنه ليست له علاقة بالكارثة التي حدثت فلو مهتم بموضوع دي
غلطة مساح وبتعاني من الموضوع ده خلال المقال ده هنعرض كل شيء وكمان هنعرض نصائح
للمساحين علشان منسمعش في الموقع (دي غلطة مساح )
الأول يا بش مساحين هو
اشمعنا يعني الكل بيحط على المساح؟
لان بصرحه وللأسف الشديد
معظم من يعمل بالمجال ليس بمساح ولا هذا هو مجال عمله فلنقص الخبرة لديه ولعدم التنظيم
ولعدم قدرته علي معرفة ما يخصه من العمل فقط، فكل ذلك يجعل من رجل المساحة شماعة
تعليق الأخطاء، أنا مش ضد أي حد يأكل عيش لأن الرزق ده بتاع ربنا (وَفِي السَّمَاءِ رِزْقُكُمْ وَمَا تُوعَدُونَ) لكن
ميكنش ذلك علي حساب رجل المساحة الذي تعب سنوات كثيرة في التعليم وهذا هو مجال
عمله ولكن يتركه لعدم توفر فرص العمل لكثرة العاملين غير المتخصصين بالمجال وكل
ذلك لعدم توفر نقابة تضم المساحين وتحفظ لهم حقوقهم (وذلك سنوضحه في مقال بعنوان
نقابة المساحين وأتمني نضع أيدينا مع بعض من أجل انشاء تلك النقابة علي أن تكون
معترف بها من قبل الدولة )
ديلوقتي هعرض لحضراتكم
خبرة بعض المساحين وتفسير ما قالوه علي السوشال ميديا
1-(شهادة
الجامعة ملهاش أي تلاتين لازمه وأبسط واحد معاه ابتدائية ممكن يتساوى بيا عادي جدا
يتعلم مساحة ويشتغل ) للأسف
الشديد الشهادة الجامعية تصبح لا شيئ في هذا المجال مقابل عدم توفر النقابة لو في
نقابة هتكون الشهادة الجامعية هي كل شيء
2-(المساح
مش مهندس والممرض مش دكتور اعرف دورك كويس وخليك فخور بمهنتك وواثق في نفسك واحترم
العامل قبل المدير ) تحياتي أتفق معك جدا ولازم
الاحترام المتبادل لان كلنا بندور في دائرة واحدة وهدفنا في النهاية واحد ويمكن
علشان المساح بيكون خايف جدا علي جهازه من العمال ومن ضرب الثوابت فممكن يتنرفز
علي العمال وده حقه بس غلط لازم تكون قد الكلام اللي كتبته في السي في أعمل تحت
الضغط النفسي فلازم تتمالك نفسك وغضبك وأعمل
معروف تجاه عامل ما قد يكون هو سبيل نجاتك في لحظة دي غلطة مساح
3-(شك في
نفسك مليون مره وشيك علي نفسك وشغلك ألف مره -ماتبصش لحد قاعد مش شغال وتقول عايز
اقعد زيه - ما تتكلمش كتير عن شغلك سيب شغلك هو اللي هيتكلم - علم المساعد كل حاجه
بس واحده واحده متكبسش عليه معلومات كتير في يوم واحد - لو المساعد بجح فيك قدام
الناس سيبه متحرجوش بس فهمه بينك وبينه أن دا غلط -لو شغال إنشاءات صاحب النجار
علشان لو انت غلط هو دا اللي هيلحقك مش المهندس المدني - أعمل لنفسك أي شرب أو
روبير معلوم المنسوب محدش يعرفه غيرك وشيك علي نفسك منه كل شويه لو شغال ميزان) دي مجموعة نصائح جميلة من راجل محترم في المجال هقف فيها علي جزئيتين علم
المساعد لان المساعد لو علمته صح هيريحك ويشيل عنك كتير جدا
تاني حاجة صاحب النجار زي
ما قلنا قبل ذلك خلي علاقتك حسنه مع العامل قبل المدير قلنا لان الناس هي اللي
هتقف جمبك لما يبقا الكل ضدك ومصممين ان(دي غلطة مساح)
4-(المساح
مبيغلطش) طبعا ده كلام خاطئ جدا المساح بني
أدم وكل بني أدم خطأ واحتمال كبير لما تقال (دي غلطة مساح) تكون بالفعل غلطة مساح
5-(ان الله
لا يضيع أجر من أحسن عملا) أهم
شيء احسان العمل وتكون أنت نفسك راضي عنه ساعتها مش هتسمع جملة (دي غلطة مساح)
6-(الغلط
في غلط يساوي صح) الجملة دي
سمعتها من معلم الرياضيات زمان جداا جداا
وأنا في المرحلة الإعدادية كنت بحل مسألة
رياضية في فرع الهندسه طريقة حلها كانت
عبارة عن مجموعة خطوات حليت خطوتين صح وبعدين حليت خطوه غلط وكملت حل المسألة وفي
النهاية غلطت في أخر خطوة فصححت معايا الغلط الأول وطلعت الناتج صح ،بس الكلام ده
في مجال المساحة غير صحيح بالعكس غلطة المساحة بفوره زي ما بيقولوا لان غلطة
المساحة معناها غلطة أساس منشئ وما بني علي غلط فهو غلط وبالتالي هتلاقي ان الغلطة
دي ترتب عليها مليون غلط
7-(ان
المساحة أصبحت مهنة الكل وليس لمن دفعوا سنين جوة المنظومة التعليمية) نفس الكلام لابد من تواجد نقابة تحكم هذا السوق المفتوح علي مسرعيه
8-(اني ما
افتيش في الشغل واسأل على اللي مش عارفه) مش عيب انك تسأل علشان متخطأش لان زي ما قولنا غلطة المساحة كارثة تأسيس
وأنت دورك فيها أخطر من دور الطبيب غلطة الطبيب هتموت مريض او اثنين أنت غلطتك
هتموت ملايين
9-(ان شغل
المساحه اسلوب مش نقطه ومنسوب. حاول تكسب حب الناس ليك واحترامك ليهم يكون زايد
وانك تتعامل مع الصنايعي علي انك بتساعده مش بتؤمرو وحسس الصنايعي انك انت واقف ف
ظهرو دايما وحاول تنسق بينك وبين المشرف او المهندس المسؤل وتكسب ثقه الاستشاري
وطبعا قبل ده كله تكون شاكك ف نفسك. وتشيك ع نفسك مره و2و3. وحزاري من التكبر علي
خلق الله) نصائح اخري جميلة جدا وخلي بالك ان
من الصعب انك تكتسب ثقة الاستشاري ولكن ليس مستحيل فعندما تكتسب ثقة الاستشاري في
مشروعين وثلاثة بعد ذلك هتستلم الشغل من نفسك ومفيش أجمل من ذلك لكن أوعي تخون من
وضع ثقته فيك
10-(ان
مفيش شغل) طبيعي لان طول ما هي سوق مفتوحه الكوادر في
البيت تنام ويشتغل اللي ملهوش فيها ومسوء سمعة المجال ومحوله لمهنه
11-(ماتعملش
حاجه زيادة عن مسؤلياتك) ودي
في الغالب ما يكثر بها قول (دي غلطة مساح)
12-(ما
تسبشي الجهاز لوحده ابدا) دي
فيها كواثر مش هتكلم فيها هههههههههههه مهم نصيحة من تجارب شخصية بلاش تسيبه
اعتبره ابنك وأوعي تسيبه
13-(متعملش
حاجة جميله علشان بتبقي فرض بعد كده) فعلا
لان الجمايل في الشغل هي اسرع حاجة تتحول لفروض ودي هتعمل وأنت معندكش نية عمالها
فهيقال فيها (دي غلطة مساح)
14-(شيك
دايما ع الشغل القديم و اربط الشغل ببعضه عشان اطمن و انت شغال و لو شغال في موقع
مفهوش بلانات و بتاخد النقط أو الروبير فى ورق مكتوب تصوره ع موبيلك و تسلم الاستشاري
بعد ما تعمله) ربط الشغل ببعضه أهم شيء لان بتحصل كوارث بعد
ذلك فعندما تنتهي من رفع الموقع علي مجموعة من الأيام وتقوم بتسقيط الشغل علي سوفت
وير مثل الأتوكاد فلو أنت مش رابط شغلك ببعضه تجد أن عمل كل يوم في مكان مختلف
15-(متثقش
في استشاري قلك خلص بس ونا مش هدقق معاك. في الاستلام لان في الغالب هينفخك) في الغالب ده نوع من الاختبار من قبل الأستشاريين حتي
يتأكد من أن عندك ضمير العمل أم لاء
طبعا أخيرا
وثق كل أعمالك كل مشروع تقوم به وكل عمل لك احتفظ بنسخة من شغلك علي جهازك الشخصي قد
يهمل ذلك كثير من المساحين وبالتالي عندما تقال عبارة (دي غلطة مساح) تكون نسخة
ملفات شغلك هي مصدر أمان وحماية لك
لو منتظرين موضوع
(النقابة للمساحين) ادعمنا بتعليقاتك