وأنت ماشي في سوق العمل

 وأنت ماشي في سوق العمل

الكلام ده هيكون هام جداا جداااا وموجه لكل الناس اللي بتدور على شغل سواء في الشركات أو في مكاتب أو حتي العمل الـأون لاين كمان الكلام ده لازم تطبقه في حياتك بشكل عام

السلام عليكم يا بش مساحين أنا أحمد يوسف وهكلمكم عن اللامنطقيه في سوق العمل ونصائح لعدم النصب عليك .

اللامنطقيه في سوق العمل يا شباب تتمثل في النصب عليك في الاتي

1-    مبالغ مالية

2-    عمل مكتب فني وموقع بدون مقابل

3-    التدريب معنا لفترة معينه

كيف يتم ذلك ،عند قدومك للعمل في شركة ما وتقديم السي في الخاص بك وعند اجراء المقابلة الشخصية عندم يطلب منك أي مبلغ من المال مهما كانت بساطته وسهولة إمكانية دفعه احذر أن تدفع لهم سنت واحدا لان ذلك من اللامنطقية، فأنت شخص تبحث عن العمل كي تجني الأموال، فلم هو يطلب منك مبلغ بسيط فأعلم ان ذلك عملية نصب ولا تستهون بالمبلغ الذي ستدفعه لان ذلك في الغالب بتكون شركة وهميه، هدفها تجميع الأموال فتخيل معي شركة وهمية أعلنت عن حاجتها لمساحين للعمل بها وتقدم للوظيفة 100شخص فقط وطلبوا من كل شخص 100جنيه فقط كرسوم استمارة كذا

طبعا أنت 100جنيه أيه يا عم اللي أنت جاي تكلمني فيها هي دي فلوس أصلا هقولك تمام ولكن شوف المعادلة البسيطة دي 100*100=10000جنيه فالموضوع ليس في ال 100جنيه انما الموضوع في اللامنطقية في طلبها وبالتالي أعلم جيدا أن هذه هي شركة وهمية يتم اقامتها لعدة أيام للنصب فقط، لان أي ان كان ايه هو اللي هيقدمهولك  فهو مجاني في أي مكان محترم

والنصيحة لك هي عدم تقديم السي في الخاص بك لأية جهة قبل أن تسأل عليها جيدا وتتأكد من أنها شركة لها سجل تجاري وتعمل قانونيا حتى لا تضار بياناتك ومعلوماتك الشخصية علي الأقل

أما عن العمل بدون مقابل

فهو نوع من الشركات قد تكون قانونية الي حد ما ولكن أنت الذي تضيع حقوقك بها بمعني انه أثناء المقابلة الشخصية لا يطلب منك أية مبالغ مالية ولكن والله يا هندسه أنا عايز أشوف خبرتك في التكنيك الخاص بالبرامج أو الأجهزة مثل الأتوكاد والسيفل بشكل عملي أو عايز أشوف خبرتك في ال GIS لحد هنا الكلام جميل ومنطقي افتح الجهاز نفذ بعض الأوامر تمام انما بقا لو لقيته بيقولك بص يا هندسة خد الداتا دي وأعملي مشروع كذا وطالب منك مشروع كامل علي السيفيل وحصر كميات أو تصميم طريق او خلافه أو خد الداتا دي وانزل مع المساح كذا ساعتين وقعوها أو ارفع الموقع كذا  هنا بقا علي طول أنت مفهاش حاجة دا أنا هنفذه بسهوله هقولك أوعي تعمل كده لان ببساطه هي احدي طرق النصب شركة قائمة علي عمل المتقدمين لشغل الوظائف وبسهول بعد ما تنفذ المطلوب معلش يا هندسه السي في بتاعك مش مناسب   

التدريب في الشركة لفتره معينة بدون مقابل

وبعد كده هتتقاضي مرتبك والأسطوانه الحلوه دي ،طبعا من اللامنطقية انك تشتغل بدون مقابل هتأخد خبرة هتأخد مش عارف أيه سيبك من كل الكلام ده انت هتشتغل يعني هتطلع شغل حتي لو مساعد مش مهم في البداية المرتب يكون كتير لكن الأهم انك تتقاضي مرتب لان من بعد ما تتخرج مباشرة مفيش حاجة اسمها انك تتدرب بدون مقابل ،التدريب ده كان أيام الكلية فقط انما بعد التخرج خلاص انت لازم يكون ليك مرتب مقابل عملك غير كدة اعرف علي طول انه عملية نصب لان هناك نوع من الشركات قائمة علي هذا المبدأ وحتي بعد ما يشغلك فترة 3-4 شهور مجاني ويحس انك خلاص هتطالب بمرتب ببساطة هيقولك معلش يا هندسه مفيش مكان فاضي أو مثلا انت اتدربت معانا روح بقا قدم في أي شركة تانية معاك خبرة ده علشان يدور علي غيرك حديث التخرج ويشغله فترة مجانا وهكذا