كارثة مساحية وحلها
طبعا يا
بشمهندسين كلنا عارفين ان من أهم تطبيقات علم المساحة هو عمل الميزانيات لتقدير
الكميات، أي ان كان أيه هو الجهاز المستخدم في العمل سواء ابسط الأجهزة المساحية
الميزان أو حتي بمحطة الرفع المتكاملة، وطبعا عارفين كمان ان الميزانية بيتم
تنفيذها برفع مناسيب الأرض الطبيعية، لو
بالميزان بناخد قراءات كل 5متر في الاتجاه الطولي والعرضي للمنشئ وطبعا كلما قلت
المسافة بين القراءات زادة الدقة زي ما انتم عارفين يا بشمهندسين وبعد ذلك بنقدر
من خلال القانون البسيط ده نحول القراءات اللي عندي لمناسيب
منسوب
النقطة = منسوب سطح الميزان - قراءة القامة او حتي انك
تستخدم شيت الأكسل اللي بتحسب المناسيب تلقائيا واتكلمنا فيه علي قناة رؤية جغرافية سابقا
بكده انت عندك
مناسيب الأرض الطبيعية وتقدر كمان تجيب متوسط منسوب الأرض الطبيعية من خلال
القانون البسيط ده قولناه قبل كدة لكن أول تركه قبل ما تجيب متوسط المنسوب لازم
تفلتر المناسيب اللي عندك بمعني انك تستبعد المناسيب الشاذة حتي لا تؤثر علي
الحسابات علي سبيل المثال عندي مناسيب الأرض الطبيعية 10.2-10.3-11-10.1-10.3-10.5-10.1-10.4فلعلك شاهدت نقطة
منسوبها 11متر وسط مجموعة نقاط أعلي
مناسيبها 10.5متر فذلك يرجع الي أخذ قراءة هذه النقطة بالخطأ أو حتي تلاعب المساعد
بالقامه علي أية حال يلزم حذف مثل هذه النقاط حتي لا تؤثر في حساب الكميات لان انت
عندك
مكعب
الحفر = مسطح الحفر *عمق الحفر في نفس الوقت عشان تجيب عمق الحفر
عمق
الحفر = متوسط منسوب الأرض الطبيعية – منسوب قاع الحفر وبناءا عليه
فان بعد فلترة المناسيب كي نتخلص من المناسيب الشاذة نأتي بمتوسط منسوب الأرض
الطبيعية
متوسط
منسوب الأرض الطبيعية = مجموع المناسيب /عددهم
وطبعا بيكون
عندك منسوب قاع الحفر المتفق عليه وتقدر تحسب كمياتك بسهولة كل ده انت يا بشمهندس
مازل شغلك علي ورق تقدر تعدل وتغير زي ما تحب لكن بمجرد نزول المعدة اللي هتحفر في
الموقع هنا بقا مشهد الأرض الطبيعية مش هتقدر ترجعه مره تانية والكارثة اللي بتحصل
بعض المساحين يقولوا ان سائق اللودر عارف شغله ويقوله انت هتحفر كذا ويسيبه وهنا
بقا لازم أحطلك خط
أحمررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررر
الكارثة اللي
هتحصل ان سائق اللودر
1-هينزل عن
قاع الحفر المطلوب
2-هيقطعلك كابل
كهرباء أو تليفون مار بحدود الموقع
3-هيكسرلك
مواسير مياه أوغاز أو أي مرفق
لازم كارثة من
دول هتحصل في النهاية اللهم لو محصلوش كلك وهتبقا كارثة سودة فوق دماغك مع أنك
بشغل ساعه كمان تقدر تتجنب أي كارثة تحدث وهو أثناء الحفر أنك تعمل متابعة للحفر
بمعني انك تعمل العملية الحسابية البسيطة دي
القراءة
المطلوب تحقيقها = منسوب سطح الميزان - منسوب قاع الحفر
وبالتالي أصبح
عندك القراءة الا المفروض لما تقرأها علي القامه تقول سائق اللودر شكرا لحد كدة طب
هو أن كل ما هيضرب ضربه هقوم أخد قراءه أكيد لا انت هتابعه بعينك وأول ما تحس انه
خلاص قرب قوم خد لقطة وهات منسوب وشوف فاضل قد ايه علي قاع الحفر ونبه سائق اللودر
لذلك.