من استفسارات حضراتكم
السؤال بيقول هو أيه علاقة قسم الجغرافيا بالحاسب الألي ؟وهل أنا محتاج جهاز حاسب ألي علشان أستخدمه في الكلية؟
وما مواصفات هذا الجهاز ولا أي جهاز هينفع وخلاص؟؟؟؟؟؟؟
أهلا بكم أعزائي الجغرافيين أنا أحمد يوسف والنهاردة
هجاوبكم علي الأسئلة اللي فوق دي بالتفصيل تابع
أولا يا شباب احنا في عام 2020 يعني الكمبيوتر أصبح جزء
من حياتنا لكن قبل دخولك قسم الجغرافيا يمكن كنت بتستخدم الكمبيوتر في الألعاب في
تصفح النت وخلافه ويمكن كمان تكون أنت شخص مستخدمتش الكمبيوتر قبل كده غير في سنوات
تعليمك ما قبل الجامعي وبرضو كان المدرس بيريح دماغه ويشغلكم الأجهزه في المدرسة
علشان تلعبوا عليها ومتعملوش صوت الكلام ده ان كنت شخص دخلت فعلا معمل الحاسب
الألي
علي أية حال يا شباب بدخولك قسم الجغرافيا لازم ولابد أن
تمتلك جهاز حاسوب ومن وجهة نظري يكون جهاز محمول أفضل (لاب توب)علشان خلال محاضرات
العملي تقدر تأخذه معاك الكلية وتطبق ورا الدكتور
طب هو أيه علاقة قسم الجغرافيا بالحاسب الألي ؟
العلاقة يا شباب بتمكن في كون علم الجغرافيا
مثله مثل مختلف العلوم يستفيد من التقنيات الحديثة كما ان الجغرافيين يستفيدون
بدورهم من هذه التقنيات من عده أوجه بما يفيد في أعمالهم وتعد الاشكال البيانية وخرائط
التوزيعات من الأمور التي تهم الجغرافي والتي لا يخلو منها أي عمل جغرافي سوء كان
بحثا علميا او كتابا او مشروعا تخطيطيا او عملا ما يثري الحياه الفكرية والحياه
العامة
يعني ببساطه يا شباب في مجموعة برامج كتيره جدا بتقوم برسم
خرائط منها خرائط تفاعلية وغير تفاعليه يعني مبنرسمش خرائط يدوية خلاص كل شغلنا
بقا أليا علي الجهاز
كمان الدكتور بيكلفك بكتابة أبجاث وتسلمها برضو او انجاز
مشروع رسم خريطة معينة ده كله هيساعدك في تنفيذه جهاز الحاسب الألي
وأخيرا يا شباب نشوف مع بعض موصفات الجهاز بتاعنا أن
هحطلكم موصفات جهاز جربته بنفسي وشغل كل برامج المجال واستحمل كتير جداااا يعني
وسعره برضو في متناول الجميع
لاب توب hp
1-Processor= AMD PRO A10-8700B R6,10
Compute Cores4C+6G 1.80 GHz
2-RAM =8GB
3- Hard= 1TR
4- Display mode =1366*768 (32bit)(60Hz)
لو عايز تعرف أكتر عن البرامج دي وعن استخدام الحاسب
الألي في الدراسات الجغرافية أضغط هناااااااااااا
ولو عايز شرح أساسيات الحاسب وده الفصل الأول في مقرر
تطبيقات الحاسب الألي اضغط هنااااااااااا