من استفساراتكم أيها الجغرافيون
أهلا وسهلا بكم أعزائي طلاب قسم الجغرافيا بالجامعات المصرية
أسئلة كتيره من حضرتكم بتوصلني هحاول جاهد أن أجيبكم عليها بشكل قاطع
السؤال الاول بيقول أيهما أفضل شعبة مساحة وخرائط أم شعبة نظم معلومات الجغرافية
ولماذا ؟
طبعا ومن المبدأ القائل بأن العلوم تتداخل وتتكامل مع بعضها البعض والجغرافيا
أم العلوم جميعا فإن كانت الجغرافيا حقا تتداخل وتتكامل مع غيرها من العلوم فكيف
لنا أن نعقد مقارنة بين أقسامها ذاتها لا
يصح أن نعقد مقارنة بين فروعها المختلفة وبالتالي فخريج شعبة المساحة والخرائط هو في
الأساس جغرافي وأيضا خريج شعبة نظم
المعلومات هو في الأساس جغرافي
لا دا أنا هدخل شعبة مساحة وخرائط علشان أبقا بشمهندس/بشمهندسه مساحة؟؟؟
وانا هدخل شعبة نظم معلومات جغرافية علشان ابقا بشمهندس/بشمهندسه نظم؟؟
هو الكلام ده بجد وفعلا أداب بيطلع منها بشمهندس رسمي؟؟
هجولك اللي قالك ان أقسام الجغرافيا بيطلع منها مهندس كذب عليك ولا تسمع له
أقسام الجغرافيا بتطلع (جغرافيين)و(أخصائي مساحه)و(أخصائي
نظم معلومات)
اذا كده يا شباب احنا بعاد كل البعد عن لقب مهندس
طب أيهما أفضل جغرافي ولا مهندس ؟؟
هجولك رجعت من تاني تعمل مفاضله بين العلوم لا بين الاشخاص او المهن
انظر للمهندسين تجد انهم خريجين كليات الهندسة ويدرسوا علوم وتخصصات الهندسة
المختلفة من عماره وفنون ومدني وغيرها
انظر للجغرافيين تجد أنهم يدرسون الجغرافيا بشتى فروعها ودراسة البيئة
الطبيعية للأرض والمجتمع البشري
اه معني كده لا يجوز المفاضلة بنهم وان كلاهما يكمل الأخر ولا يستطيع احدهم
الاستغناء عن الأخر ؟؟
برافو عليك لو وصلتك النقطة دي يبقا انت كده فهمت ان الجغرافي لا يقل أهميه عن المهندس بل ان الجغرافي قبل المهندس في كل شيء لأنه
هو من يدرس الارض اما المهندس هو ما يدرس وينشئ ما فوق الأرض فعند انشاء أي من
المواقع أو استخراج البترول والمعادن أي ان كان الموقع واي ان كان المنشأ لازم
ولابد من تواجد الجغرافيين قبل المهندسين
وعليه أعزائي أتمني أن تكونوا فاخورين جداااااااااااااااااا بلفظة(جغرافي )
طب أيهما أفضل أخصائي مساحة أم أخصائي نظم؟؟؟
رجعت تعمل مفاضلة من تاني بين علم الجغرافيا وفروعه ذاتها
انظر لأخصائي المساحة تجده الشخص الذي تخرج من قسم الجغرافيا وكان يدرس
العلوم الجغرافية والخرائط واساسيات علم الكارتوجرافيا وعلوم المساحة (ايوه صح ده
الجغرافي أصلا)
انظر لأخصائي نظم المعلومات الجغرافية تجده الشخص الذي تخرج من قسم الجغرافيا
وكان يدرس نفس العلوم الجغرافية (اه ده كمان هو جغرافي) والخريطة هي القلب النابض للجغرافي اذا ما يربط بين
جغرافي وأخر هو الخريطة
طب لما الاثنين واحد ليه ده أخصائي مساحة وليه ده أخصائي نظم أكيد لا وأكيد
في فرق؟؟؟
بالضبط كده الفرق يأتي هنا في تخصص كل جغرافي
يدرس
الجغرافيون الفيزيائيون البيئة الطبيعية في حين يدرس الجغرافيون البشريون المجتمع البشري.
والجغرافيون الحديثون هم الممارسون الأساسيون لنظام المعلومات الجغرافية، الذين
غالبا ما يستخدمون من قبل الوكالات الحكومية المحلية والولائية والاتحادية، وكذلك
في القطاع الخاص من قبل الشركات البيئية والهندسية. ومنهم الرسامون والمحللون
والمطورون وغيرهم وعملهم النهائي يتلخص في انتاج الخرائط والمعلومات لمتخذي القرار
أما الجغرافيين المساحين هم الممارسين الأساسيين لعلم المساحة بكافة
فروعها أرضيه وجوية وبحرية وفلكيه وعملهم النهائي يتلخص في الرفع المساحي من
الطبيعة واعطائه لأخصائي النظم لا نتاج الخريطه أو أخذ الخريطة من أخصائي النظم
لتوقعها في الطبيعة
تمام كده أنا فهمت ان
اخصائي المساحة والنظم يكملوا بعضهم البعض ؟؟؟؟؟
تمام بالضبط كده من
وجهة نظري الشخصية أن يلغي التخصص داخل أقسام الجغرافيا بكليات الأداب وأن تضاف
سنة دراسية أخري علي أن تكون الدراسة لمدة 5سنوات دراسية يتخرج الطالب حاملا لقب
جيوماتكس مان Geomatics Man مؤهلا ليعمل بكافة فروع علم الجيوماتكس وأن يوضع
نقابة للجيوماتكسين تضمن لهم كافة حقوقهم
لان حضرتك جغرافي
سواء أكنت أخصائي مساحة سوء أكنت أخصائي نظم لا يوجد لك نقابة تضمن لك أية حقوق
وبتالي خريج المدارس الصناعية والدبلومات المساحية وخريج كورسات تحت بئر السلم
شغالين في المجال وأنت ابن الجامعة والتعليم العالي قاعد في البيت تكاد تكون غير
مؤهلا للعمل داخل مجالك لعدم توفر فرص العمل لك
أعتقد كده اتضحت
الرؤية أمام حضرتكم
طب أنت مقولتش لينا
ندخل أي من الشعبتين؟؟؟
هجولك تمشي ازاي
بعيدا عن الكلية وبعيدا عن انك دخلت شعبة أيه احنا اتفقنا ان المجال ده ملهوش
نقابة بمعني أخر ان أي شخص مش متعلم حتي ولكن علم نفسه التكنيك الخاص بالعمل
هيشتغل في المجال وربما انت تتخرج وتقعد في البيت أنا والله مش بحبطكم ولكن بحاول
أفهمكم علشان تمشوا الطريق صح
لو دخلت شعبة مساحة
وخرائط (اتعلم مع نفسك وطور ذاتك في مجال نظم المعلومات)
لو دخلت شعبة نظم
معلومات (اتعلم مع نفسك وطور ذاتك في مجال المساحة والخرائط)
لو دخلت شعبة عامة
(اتعلم مع نفسك وطور ذاتك في مجال المساحة ونظم المعلومات)
أيه ده ؟؟؟؟(أه ما
انا قولتلك ان منكش ينفع فصل ما بنهم أصلا وتشعبهم لتلك الشعب)
طب أنا هستفيد أية
لما أطور من نفسي في حاجة أنا مدخلتهاش ؟؟؟؟؟
اه انت تقصد اني
ممكن بعد التخرج أشتغل في المساحة وأنا خريج نظم أو العكس لان مفيش نقابة تمنع ده
برافووووو عليك كده
أنت فهمت لكن السؤال اللي المفروض كنت تسأله هو
ازاي أطور من نفسي؟؟؟؟؟؟؟؟؟
طبعا لو أنت في شعبة
مساحة وخرائط هيكون سهل انك تطور من نفسك في أساسيات نظم المعلومات الجغرافية من
خلال منصة اليوتيوب هتلاقي عليها كم هائل جدااا من الفيديوهات في المجال وطبعا
برشحلكم قناة الدكتور الفاضل /جمعة محمد داود
وأيضا علي قناتي المتواضعة قناة رؤية جغرافية قدمت شرح لبرنامج ARCGISوشرح لبرنامج التحليل الملحق به ARC TOOLBOXوما زلت مكمل معاكم بإذن الله
وطبعا لو أنت في شعبة GIS سهل جداا برضو انك تطور من نفسك من علي منصة اليوتيوب تحضر كورسات في شرح الأجهزة مثل جهاز
الميزان وهنا شرح له علي رؤية جغرافية بشكل واقعي من هنا
جهاز التوتال استيشن وهنا شرح له أيضا علي قناة رؤية جغرافية من هنا
وجهاز الجي بي اس وهتلاقي شروحات كثيره جدااا جداااا علي منصة اليوتيوب في
العمل المساحي وأساسياته وفي خلال اجازات نصف العام وأخر العام طوال الأربعة سنوات
انزل تدريب صيفي في شركات واتمرن علي العمل المساحي
طبعا لو انت في شعبة عامة هتشتغل علي نفسك بشكل أكبر وتدرب علي الاثنين
طب وأنا ك بنت ينفع أدخل مساحه؟؟؟؟؟
ينفع جدا مفيش مانع لكن لازم تطوري من نفسك زي ما اتفقنا لان ممكن تشتغلي
في شركة مثلا وتطلعي تعملي مسح في الميدان لكن طبعا هيكون عملك محدود في المشروعات
داخل الحيز العمراني لكن بره الحيز العمراني معتقدش في شركة هتوافق علي الكلام ده
بالتالي لما يكون عندك خبره في العمل المكتبي ممكن خلال الفترة دي تشتغلي في
الشركة عمل مكتبي لو مفيش مشروع في داخل الحيز العمراني ولكن لو عندك إصرار وعزيمة
هتشتغلي والله ولي التوفيق في الختام انتظروا المقال التالي بعنوان هو أنا كطالب هدخل او بالفعل من أبناء قسم جغرافيا أيه
البرامج اللي مطلوب مني أتعلمها ؟؟؟؟؟؟؟؟؟؟؟؟؟