أنا ومحاضرات الجغرافيا
احنا هنعمل أيه لما ندخل الكلية والمحاضرات والدكاتره والطلبة
والكورسات والمكاتب المستغلة والمكتبات والكتب ؟؟؟؟؟؟
كل دي أسئلة مشتته أفكارنا وخيالنا تعالوا نبدأ مع بعض واحده واحده
بص يا سيدي لما بتدخل قسم الجغرافيا في سنه أولي وتانيه بتسمي دراسة
ما قبل التخصص
يعني بدرس مقررات كتيره وملهاش لازمه فخلاص مش ههتم خالص بأول سنتين
ولما أتخصص أبقا أهتم وأذاكر ؟؟؟؟؟؟؟؟؟
هقولك بقا ان ده أكبر خطأ وقع فيه كتير جدااااااااااااااا قبل منك
وندموا جدااااااااااااااااا جدااااااااااااااااااااااااا
لان الصح انك تبدأ من أول سنه تهتم بمحاضراتك وتحضر المحاضرات وتكتب
ورا الدكتور مش هقولك اكتب كل كلمة بيقولها الدكتور لان ده من ملايين المستحيلات
بص يا سيدي طريقة كتابة المحاضرة هتكون كالتالي
1-هتكتب عنوان المحاضرة مثلا يعني الدكتور هيدخل يقول الفصل الأول
عندكم في المقرر مثلا بعنوان كذا أو انه يقول محاضرتنا هتكون عن كذا
2-الدكتور هيبدأ يتكم في تفاصيل جوه المحاضره مش هتلحق أصلا تكتب كل
الكلام اللي بيقوله
لا يا عم هلحق أنا بكتب بسرعة البرق والرعد
هقولك تمام بس الدكتور ممكن يدي مثال علشان يفهمكم حاجه يكون ملهوش
علاقة بالمحاضره أصلا ويكون دعابه أو ما شبه ذلك وبالتالي أنت بتكتب كلام كتير
هتروح تقرأ المحاضره من نفسك كده هتقول أية الهبد ده وهتشتت نفسك كتير جدااااااا
طب يا هندسه نعمل أيه ونكتب محاضرتنا ازاي ؟؟؟؟؟؟؟؟؟؟؟؟؟؟؟
هقولك الدكتور لما يقعد يشرح ويتكلم أنت هتلقط منه فقط key words
ايه ال key words دي وتطلع
أيه؟؟؟؟؟؟؟ دي معناها كلمات مفتاحية
أيوه يعني أعرفها ازاي واوصل ليه ازاي ؟؟؟؟؟علشان توصل للكلمات
المفتاحية دي لازم تعرف الأول عنوان المحاضره أيه
أيوه دي اول حاجه الدكتور قالها في المحاضره ؟؟؟؟؟بالضبط كده شاطر
معني كده يا هندسه انا لو محضرتش المحاضرة من اول دقيقه مش هعرف
عنوان موضوع المحاضرة أيه ومش هعرف أطلع الكلمات المفتاحية
هجولك بالضبط كده هتقعد في المحاضره سوري في اللفظ ولا فاهم أي حاجه
وهتقعد تقول علي الدكتور هو الراجل ده بيقول أيه
لا يا هندسه أنا لو وصلت متأخر شوية هسأل الدكتور عن موضوع المحاضرة
؟؟؟؟؟؟؟؟؟؟
هقولك هتشوف يوم تحفيل مشوفتهوش في حياتك صدقني أوعي تعمل حاجه زي
كده ،دي مش مدرسه وحط تحتها مليون خط
أنا هقولك لو روحت المحاضره متأخر هتعمل أيه وأنصحك بلاش تأخير لان
في نوع من الدكاترة مبتدخلش الطلبة بعد ما المحاضر تبدأ علشان كده من باب أولي
متتأخر وأعمل حساب طريقك وكون هناك بدري
مهم خلينا فرضا يعني ان دكتور من نوع اللي بيراعي ظروف مواصلات
وبيدخل الطلبة وكده
أدخل براحه أقعد لو في مكان مفيش مكان هتكمل المحاضرة واقف مش
مهم
المهم انك بهدوء اسأل زميلك موضوع المحاضرة أيه وهو يرد بهدوء علشان
الدكتور ميعملش عليكم حفلة ويعزمكم فيها
طيب يا هندسه بعد ما عرفنا موضوع المحاضره وكتبناه ازاي بقا نعرف
نطلع الكلمات المفتاحية دي ؟؟؟؟؟؟؟
بص يا سيدي خليني أقولك مثال علشان نفهمك الكلمات المفتاحية او
ال Notes اللي هتكتها
مثلا موضوع المحاضره كان عن العالم الجديد
الدكتور هيقعد يتكلم معاكم عن قارات العالم الجديد وعن
الكشوف الجغرافيا وعن وعن وعن وعن
فأنت الملاحظات اللي هتكتبها مثلا
1-قارات العلم الجديد مثل أمريكا الشمالية والجنوبية وأستراليا
والقارة القطبية الجنوبية
2-مكتشف العالم الجديد هو كذا
3-
4-
فالبتالي كتابة المحاضرة هتكون عباره عن نقاط مرتبه بهذا الشكل عباره
عن كتابة جمل ليها علاقة بموضوع عنوان المحاضرة
أي كلام تاني سواء بقا للمرح او الهزار أسمع من هنا وطلع من هنا
متستغربوش أنا والله كنت بشوف ناس كاتبه المواقف اللي الدكتور بحكيها
علي أساس انها من المنهج
بعد كده بترجع البيت تعمل أيه ؟؟
طريقة المذكرة الصحيحة
هتبيض المحاضره ، مش هتجيب بوهيا وتقعد تبيض علشان ده مصطلح جديد
عليك هوضحهولك
تبيض المحاضرة المقصود بيه هيكون عندك اسكتش تاني في البيت غير اللي
بتأخده الكلية هتعيد كتابة المحاضره في الاسكتش ده بطريقة منظمه وخط أفضل وشكل
ترتيبي أحسن
بعد كده تقرأ المحاضرة مرتين كده بهدف الاستمتاع بموضوع المحاضره
وانه في معلومات جديده أول مره تشوفها وليس المذاكرة
بعدين ادي نفسك نص ساعه افصل من جو المذكرة ده وبعدين أفتح نت وادخل
علي متصفح جوجل وفي مربع البحث أكتب عنوان المحاضرة اللي أخدتها هيطلعلك كذا نتيجة
بحث عباره عن مواضيع بتتكلم في المحاضرة دي اختار واحد واقرأه مجرد قراءه فقط
تاني محاضره في المقرر ده (المادة دي يعني)قبلها اقرأ المحاضرة
الأولي بتركيز المرة دي
تمام كده يا هندسه بس احنا لما قولنا (مش ههتم خالص بأول سنتين
ولما أتخصص أبقا أهتم وأذاكر ؟؟؟؟؟؟؟؟؟)أنت قولت غلط كده ومقولتش لينا سبب
هقولك برافوو عليك طالما أنت وصلت هنا يبقا اهتميت وقرأت
مقالي للأخر خد بقا السبب ودي نصيحه ليك لانك اهتميت
ذاكر واهتم من البداية علشان التخصص بيكون علي أساس أول سنتين يعني
لو أنت مهتمتش بأول سنتين مش هقولك هتسقط والكلام ده لان طالما وصلت جامعه يبقا
أكيد تقدر تنجح نفسك علي الأقل بدون مذاكره بس لو اهتميت تتخصص مساحه وتتخصص شعبة
نظم معلومات ودول أفضل من انك تنجح وتكون في شعبة عامه وتخلص الأربع سنين سريعا
وتندم انك مهتمتش من البداية
في الختام انتظروا المقال التاني بعنوان
هو أنا لما أدخل قسم الجغرافيا أيه اللي هدرسه وهتعلم
أيه من كل مقرر بالتفصيل ؟؟؟؟؟؟؟؟؟؟؟
لو مهتم فعلا تعليقك على هذا المقال هيشجعني أفيدكم