بصراحه المحتوي ده فريد ومتميز شويه هتكلم فيه عن احد المنصات التعليميه العربيه هو موقع tera courses
من خلال الموقع ده تقدر تأخد كورسات online مجانيه وفي نهاية الكورس بتحصل علي شهاده معتمده هو الموقع الثاني بعد موقع ادراك عربيا الموقع ده بصراحه أفضل من موقع Udemy العالمي والسبب في كده انك ممكن في موقع يوديمي تأخد الشهاده بدون ما تحضر الكورس أصلا بمعني انه في يوديمي بيديك الشهاده بعد ما تسمع الفيديوهات الخاصه بالكورس لكن انت ممكن تفتح الفيديو ومتسمعهوش اصلا وتنقل علي اللي بعده علي طول وتخلص الكورس وتأخد الشهاده في ثانيه طب يبقا انا كده حصلت علي شهاده لكن من غير أي فائده ويمكن ده دليل ان شهادات الموقع ده مش معتمده اصلا بس ده ميقللش من قيمة الموقع لان عليه كورسات كتير جدااااااااااااااااااااااااااااااااااا ومفيده اما موقع تيرا كورس مستحيل تقدر توصل للشهاده بدون ما تشاهد كل الفيديوهات لو حولت انك تعمل تقديم للفيديو هتلاقي نفسك ولا كأنك شغلت الفيديو اصلا وبالتالي هما كده بيضمنوا انك حضرت الكورس كامل وفي النهايه بتأخد شهاده بس الشهاده دي بتكون أفضل من شهاده موقع Udemy والشهاده دي بتحتوي علي Code للتحقق منها وده دليل انه موقع محترم بشهادات معتمده
طب أيه الكورس اللي يهمنا في الموقع ده ؟؟؟؟؟
الكورس اللي يهمنا هو كورس في برنامج Auto cad
لكن خلي بالك من نقطه مهمه جدااا لما تسجل في الموقع هتلاقي ان موجود كذا كورس اتوكاد
أنا برشحلكم أفضل هذه الكورسات هو كورس البشمهندس مصطفي علي والسبب ان الراجل ده يعتبر من مطورين برنامج الاتوكاد الكورس بصراحه طويل جداا حوالي 51 فيديو كل فيديو لا يقل عن نصف ساعه بس في النهايه فعلا بتتحول من شخص لا يفقه شئ في البرنامج لخبير فيه والميزه الثانيه في الكورس ده هو انه بدأ في الاول ب cad 2016 وبعد شويه لما نزل cad 2017 نقل عليه وشرح كل الجديد في الاصدار ده ولما نزل cad 2018 شرح برضو كل الجديد والادوات اللي تم تطويرها ولما نزل cad 2019 نقل ايضا وشرح كل الجديد فيه بصراحه انت لو هتاخد الكورس ده بفلوس بره في أي مكتب وللاسف بتكون مكاتب مش معتمده كمان
حتي لو أخدت شهاده عمرك ما هتأخد البرنامج بالشكل الكامل المحترم ده
رابط الكورس اضغط هنا
وهنا كورس مجاني علي قناة رؤية جغرافية علي اليوتيوب