تجربة تعليمية جديد

تجربة تعليمية جديد

               كورس ازاي ابدأ 

تدريس المادة العلمية

اولا:. حدد أنت بتتعامل مع مين ؟؟

بمعني الطالب الذي امامك الي اي مرحلة عمرية ينتمي فلكل مرحلة عمرية اسلوب خاص في التعامل فطالب الشهادة الابتدئية يحتاج الي معاملة رقيقة جدااااا واسلوب شرح متدني جدااااا جداااا بمعني مش عيب لما تنزل بمستواك الي مستوي هذا الطالب مفيش طالب غبي ربنا سبحانه وتعالي ميز البشر عن سائر المخلوقات بالعقل البشري الاهم ان يكون في نتيجه لذلك وقتها بقا نزول مستواك الي مستوي الطالب سيرفع مستوي الطالب وبالتالي رفع مستواك كمعلم له لان الطالب هو صورة انعكاسية للمعلم

اما طالب الشهادة الاعدادية

هنا اسلوب التعامل هيختلف بعض الشيئ بمعني ان لازم الاسلوب يكون حازم سواء في الوجبات او في التجاوب والتفاعل اثناء حصة الدرس أيضا الحزم لا يكون بالضرب اطلاقا هناك وسائل اخري للعقاب

زي مثلا حرمانه من الفسحه والجوائز سواء شهادات تقدير او خلافه مما يتمتع بها أصحابه الملتزمين

اما طالب الشهادة الثانوية سواء العامه او الدبلومات الفنيه

هنا اسلوب التعامل سوف يختلف تماماا

لان الطالب بيكون دخل في مرحلة المراهقة فالاسلوب الافضل للتعامل هنا هو اسلوب الصداقة بمعني ان العلاقة لازم تتحول من علاقة مدرس وتلميذ وعصي والكلام الذي لا يجدي خيرا الي علاقة صداقة يحس بيها الطالب قبل المعلم وعلي المعلم ان يحاول حل كل مشاكل الطالب التي تعوق مذاكرته سواء كان ذلك مشاكل نفسيه او ماديه او معنوية او صحية او حتي عاطفية

وانت بتحل اي نوع من المشاكل دي حاول دايما الحل يكون باسلوب علمي حكيم

ثانيا:. من اين ابدأ ؟وهل اعتمد في اسلوب الشرح علي الحفظ والتلقين ام الفهم؟؟

اول حصة في ناس كتير بتقول ان دي حصة تعارف وتحديد الفيزيتا والهبل ده دي ناس كل همهم انهم يجمعوا اكبر قدر من الاموال علي رأي استاذي الله يمسيه بالخير هناك 10 نصائح للنجاح بتفوق النصيحة من 1الي 12 تدفع فلوس الدرس اول بأول وبعد كده تذكر متذكرش انت حر

انا برفض الاسلوب ده تماما

اول حصة دي هنبدئها باسلوب مختلف علشان احنا كجغرافين لازم دايماا نتميز بالاختلاف عن اي حد

طب ابدأ اول حصة ازاي مع ناس متعرفنيش ولا انا اعرفهم ؟

حضرتك هتقف وهتقدم نفسك فقط وهتعرفهم المادة التي ستقوم بتدريسها لهم

شباب بلاش المغامرات والبطولات بتاعت ساعدتك والنبي والفزلكه الفارغه دي هتقدم نفسك يعني هتقول اسمك فقط واسم المادة التي ستقوم بتدريسها في الغالب الناس التي تحكي بطولات ومغامرات دي ناس مش لقيه حاجه تقولها بالبلدي كده هو الطالب جاي يستفيد هيعمل ايه ببطولات ساعدتك ولا تلزمه في اي حاجه اتمني تجنب ذلك

بعد كده ستقوم بعرض المنهج المقترح من الوزارة هتتكلم عن المنهج بصفة عامة وعن كل حاجه خاصة فيه بدون ادني تفاصيل عرض شامل لتهيئة الطالب لاستقبال المادة العلمية وبعد الانتهاء من العرض الشامل للمنهج كلف الطالب بجمع داتا من علي الانترنت حول الموضوع الاول من المقرر وقرئتها جيدا ليكون علي استعداد لاستوعب الحصة التالية

ثم قم بتقسيم المنهج علي عدد معين من الحصص وعمل جدول بذلك يلتزم به الطالب قبل المعلم

انتظروا جزء اخر وكيفية تهيئة الطالب نفسيا لاستقبال كم هائل من المعلومات

كمان اللي معندهمش طلاب يبدأوا بيهم هعلمك ازاي تبدأ